هێزەکانی سووریای دیموکرات ڕایگەیاند، سوپای تورکیا هێرشی کردە سەر چەند ناوچەیەکی باکوور و ڕۆژهەڵاتی سووریا بە تایبەتی لە دەوروبەری بەنداوی تیشرین و دێرحافر و پردی قەرقۆزاق و عەین عیسا و سەرجەمیشیان لەلایەن شەڕڤانانەوە پووچەڵكرانەوە.
ئەمڕۆ دووشەممە، هێزەکانی سووریای دیموکرات ئاماری ئەو هێرشانەی تورکیا و گروپە چەکدارەکانی بڵاوکردەوە کە لە چەند بەرەیەکەوە کردبوویانە سەر باکوور و ڕۆژهەڵاتی سووریا.
ڕوونیشیکردەوە کە هێرشەکان بۆ سەر بەنداوی تشرین، دیرحافر، پردی قەرەقۆزاق و عەین عیسا چڕکرابوونەوە و سەجەمیشیان لەلایەن شەڕڤانانەوە تێکشکیندران.
ڕاشیگەیاند تورکیا لە ڕێی فڕۆکەی بێفڕۆکەوان و تۆپخانەوە پشتیوانی گروپە چەکدارەکانی کردووە و لەهەمان کاتدا چەکدارەکانیش درۆنی بۆمبڕێژکراویان بەکارهێناوە.
