قیستی خانوەکانی گەڕەکی چەرمووسیتی بۆ ٢٠ ساڵ درێژکرایەوە و کێشەی شەبەکەی ئاوی بەشێک لەگەڕەکەکە چارەسەر دەکرێت و هەوڵی تاپۆکردنی خانوەکانی دەدرێت.
پاش نیوەڕۆی ئەمڕۆ یەکشەممە، لە دیوانی قائیمقامیەت بەسەرپەرشتی ڕەمک ڕەمەزا، قائیمقامی چەمچەماڵ و بەئامادەبوونی هاوتا عەزیز، بەڕێوەبەری ناحیەی شۆڕش و یاسین مەحمود بەڕێوەبەری کۆمپانیای بەڕێز و بەڕێوەبەری ئاوی چەمچەماڵ و شۆڕش و ئەنجومەنی گەڕەکەکە، گفتوگۆ لەسەر قیستەکانی پرۆژەکە و کێشەی شەبەکەی ئاوی بەشێک لە گەڕەکی چەرموو سیتی تاپۆکردنی خانوەکانی کرا.
کێشەکە کە بریتیە لە نەگەیشتنی ئاو بە بەشێک لە ماڵەکانی گەڕەکەکە، قائیمقامی چەمچەماڵ داوایکرد کۆمپانیای جێبەجێکاری پرۆژەکە کەمووکوڕی و کێشەکان چارەسەر بکات، لای خۆیەوە یاسین مەحمود ئەندازیاری کۆمپانیاکەی ڕاسپارد بە هەماهەنگی لەگەڵ فەرمانگەی ئاوی شۆڕش کێشەکە چارەسەر بکەن و لە سبەینێوە چارەسەرەکان دەخرێتە ڕوو دەست بەکارکردن دەکرێت.
هەر لەو کۆبوونەوەیەدا بەڕێوەبەری کۆمپانیا ڕایگەیاند کە قیستەکانی پرۆژەکە بۆ ٢٠ ساڵ درێژکراوەتەوە و هاوڵاتیان دەتوانن بەپێی ڕێنمایی نوێ پابەندی دانەوەی قەرزەکانبن کە ئەوەش داواکاری ئیدارەی چەمچەماڵ و هاوڵاتیانی گەڕەکەکە بوو.
لە ئێستادا کار بۆ تاپۆکردنی خانوەکانی پرۆژەکە دەکرێت کە ئەوەش دوای ڕەزامەندی لەسەر ماستەرپلان پرۆژەکە و وەرگرتنی لە کۆمپانیا دەبێت.
ڕاگەیاندنی قائیمقامیەتی قەزای چەمچەماڵ
٢/ ٣/ ٢٠٢٥
