بانکی ناوەندیی عێراق ڕایگەیاند کە یەدەگی وڵاتەکەی لە زێڕ، بەڕێژەی لە سەدا ٤٥،١ گەشەی کردووە.
بانکی ناوەندیی عێراق ڕاگەیاندراوێکی بڵاوکردەوە و تیایدا ھاتووە: “یەدەگی زێڕی بانکەکەمان لە چارەکی چوارەمی ساڵی ٢٠٢٤ دا بە بەراورد بە ھەمان چارەکی ساڵی ڕابردوو بەڕێژەی لە سەدا ٤٥،١ گەشەی کردووە، بەو پێیەی لە ١٢،٢٩ تریلیۆن دینار بەرزبووەتەوە بۆ ١٧،٨٣ تریلیۆن دینار ئەوەش لە ئەنجامی زیادبوونی یەدەگی زێڕ و بەرزبوونەوەی نرخی زێڕ لە بازاڕەکاندا”.
ڕاشیگەیاندووە: “گەشەی یەدەگی عێراق لە زێڕ، سوودێکی زۆری ھەیە، چونکە سەقامگیری ئابووری و دارایی بەھێز دەکات، ھەروەھا ئامرازێکی گرنگە بۆ دەستێوەردان لە بازاڕی ئاڵوگۆڕی دراودا”.
