فراکسیۆنی یەکگرتووی ئیسلامیی لە پەرلەمانی کوردستان ڕایدەگەیەنێت ئۆباڵی لەدەستدانی وەرزێکی یاسادانان دەخەینە ئەستۆی هەموو ئەو لایەنانەی کە بەرپرسن لە پێکهێنانی دەستەی سەرۆکایەتی و کۆبونەوەی پەرلەمانیان بەکراوەیی هێشتەوە.
فراکسیۆنی یەکگرتووی ئیسلامیی لە پەرلەمانی کوردستان لە بەیاننامەیەكدا ڕایگەیاندووە، بەداخەوە دەسەڵاتداران ئەم وەرزی یاسادانانەیان کردە قوربانی میزاجی خۆیان و بەردەوامن لە بێ ڕۆڵ کردنی دامودەزگا شەرعییەکانی کوردستان، خەتایەکی گەورە بوو ئەو هێزانەی پێکهێنانی حکوومەتیان لە ئەستۆیە، دەستەی سەرۆکایەتی پەڕلەمانیان لەگەڵ حکومەت کردووەتە یەک پاکێج.
دەشڵێت: ئێمە ئۆباڵی لەدەستدانی وەرزێکی یاسادانان دەخەینە ئەستۆی هەموو ئەو لایەنانەی کە بەرپرسن لە پێکهێنانی دەستەی سەرۆکایەتی و کۆبونەوەی پەرلەمانیان بەکراوەیی هێشتەوە.
دەقی بەیاننامەكەی فراكسۆنی یەكگرتوو:
بەناوی خوای بەخشندەی میهرەبان
ئێمە لە فراکسیۆنی یەکگرتووی ئیسلامیی کوردستان بەنیگەرانی زۆرەوە دەڕوانینە ئەو دواخستنەی پێکهێنانی دەستەی سەرۆکایەتی پەرلەمان و پێکهێنانی لیژنەکانی، کە وەرزی یاسادانان لەسەرەتای مانگی سێ وە دەست پێدەکات و پەرلەمان لە 2-12-2024 یەکەم دانیشتنی خۆی گرێداوە و دەبوو دەستەکەش لەهەمان ڕۆژدا هەڵبژێررایە.
ئێمە وەک فراکسیۆنی یەکگرتوو بۆ ئەم وەرزی یاسادانانە کۆمەڵێ پێشنیازە یاسا و پێشنیازە بڕیارمان ئامادەکردووە، کە هەمویان لەبەرژەوەندی هاوڵاتیانی هەرێمی کوردستانن، بۆ ئەوەی پێشکەشی پەرلەمانی کوردستان بکەین.
بەداخەوە دەسەڵاتداران ئەم وەرزی یاسادانانەیان کردە قوربانی میزاجی خۆیان و بەردەوامن لە بێ ڕۆڵ کردنی دامو دەزگا شەرعییەکانی کوردستان، خەتایەکی گەورە بوو ئەو هێزانەی پێکهێنانی حکوومەتیان لە ئەستۆیە، دەستەی سەرۆکایەتی پەڕلەمانیان لەگەڵ حکومەت کردووەتە یەک پاکێج؛ ئێمە ئۆباڵی لەدەستدانی وەرزێکی یاسادانان دەخەینە ئەستۆی هەموو ئەو لایەنانەی کە بەرپرسن لە پێکهێنانی دەستەی سەرۆکایەتی و کۆبونەوەی پەرلەمانیان بەکراوەیی هێشتەوە.
فراکسیۆنی یەکگرتووی ئیسلامیی لەپەرلەمانی کوردوستان
2/3/2025
