لە قەزای دوکان لە پارێزگای سلێمانی، دوو منداڵ عەلاگەیەکیان هەڵگرتۆتەوە و پیایاندا تەقیووەتەوە و بەسەختی برینداربوون.
ئەمڕۆ یەک شەممە، ٢ی ئاداری ٢٠٢٥، لە گوندی سۆفیانی سەر بە ناحیەی بنگردی قەزای دوکان، خوشک و برایەک، لەکاتی یاریکردن لەبەردەم ماڵی خۆیان عەلاگەیەکیان هەڵگرتۆتەوە، لەپاش کردنەوەی ڕاستەوخۆ پیایاندا تەقیوەتەوە.
دوو منداڵەکە ناویان کەژێ تەمەن 7 ساڵان و کێوار میقداد تەمەن 9 ساڵان، کە بەهۆی تەقینەوەکە بەسەختی برینداربوون و لە نەخۆشخانەی ڕانیەوە ڕەوانەی سلێمانی کران.
