سەرۆک کۆماری ئێران ڕایگەیاند ئێران لە شەڕێکی تەواودایە لەگەڵ دوژمن و بە هۆی سزاکانی ئەمریکاشەوە ناتوانن پارەکانیان لە عێراق و قەتەر و تورکیا بگەڕێننەوە.
ئەمڕۆ یەکشەممە، مەسعود پزیشکیان، سەرۆک کۆماری ئێران لە کۆبوونەوەی لێپرسینەوە لە وەزیری ئابووریەکەی لە پەرلەمانی ئێران بە ئاماژە بە کێشەکانی وڵاتەکەی کرد وتی: ئێمە لە دۆخی جەنگیداین و ئەوەی کە یەکتر تاوانبار بکەین کێشەیەک چارەسەر ناکات.
مەسعود پزشکیان بە ئاماژە بە ئاڵۆزییە سیاسی و ئەمنییەکان لە ناوچەی ڕۆژئاوای ئاسیا وتی: لە ئەو کاتەوە کە من هاتوومەتە سەر پۆستەکەم هەر لە یەکەم ڕۆژیدا ئیسماعیل هەنیەیان شەهید کرد، غەززە ، لوبنان، سووریا و ترەمپ هەر کامەیان وەکوو پرسێک لێکەوەتەیان هەبووە. ئێمە خەریکی شەڕێکی بەتەواو ماناداین لەگەڵ دوژمن هەر ئەو جۆرە کە لە سەردەمی شەڕی عێراقدا بووین.
سەرۆک کۆماری ئێران بە ئاماژە بە هاتنی ترەمپ بۆ کۆشکی سپی ڕایگەیاند: بە هاتنی ترەمپ و واژۆی یاسای نوێ، کۆمەڵێک لە پاپۆڕەکانی ئێمە دەریا گەمارۆ دراون و ماونەتەوە کە وەجبەی خۆیان چۆن خاڵی بکەنەوە. 6 ملیۆن دۆلارمان لەلای قەتەرەو و نایدەنەوە، لە لای عێراق، تورکیا و قەتەر پارەمان هەیە و نایگەڕێننەوە.
سەرباری بەرگرییەکانی پزیشکیان، بەڵام ئەنجومەنی شورای ئێران متمانەی لە وەزیری ئابووری سەندەوە.
