وتەبێژی یەکێتیی نیشتمانیی کوردستان ڕاگەیاند، چەند بڕگەیەکی کەم بۆ رێککەوتنی پارتی و یەکێتی بۆ پێکهێنانی حکومەت ماون، بەڵام یەکێتی “گەرەنتی دەوێت”.
رۆژی چوارشەممەی هەفتەی رابردوو، شاندی پارتی و یەکێتی کۆبوونەوە، سەعدی پیرە دەڵێت: لەو کۆبوونەوەیەدا کۆتایی بە زۆربەی بڕگەکانی رەشنووسی رێککەوتنی پێکهێنانی حکومەت هێنراوە. هەروەها دەڵێت: “هیچ نەماوە لە کۆبوونەوەکانماندا باسمان نەکردبێت”.
لەبارەی چۆنیەتیی پێکهێنانی حکومەت، سەعدی پیرە دەڵێت: سەرۆکی حکومەت و جێگرەکەی بەیەکەوە رادەسپێردرێن”، دەشڵێت: “راسپاردنی سەرۆکی حکومەت و جێگرەکەی نایاسایی نییە”.
باسی لەوەشکرد: “سەرۆکی حکومەت یان جێگری سەرۆکی حکومەت دەست لەکار بکێشێتەوە، حکومەت بە هەڵوەشاوە دادەندرێت”.
