سەرۆکی یەکێتی پێشوزی لە پەیامی عەبدوڵا ئۆجالان دەکات و دەڵێت”پەیامێکی بەرپرسیارانە و پێویستی ئەم قۆناغەیە”
بافڵ تاڵەبانی پەیامێکی لەبارەی بانگەوازەکەی عەبدوڵا ئۆجالان ڕابەری پارتی کرێکارانی کوردستان لەبارەی دانانی چەک بەرز دەنرخێنیت، و دەڵێت”ەیامێکی بەرپرسیارانە و پێویستی ئەم قۆناغەیە”.
دەقی پەیامەکەی بافڵ تاڵەبانی:
پێشوازی لە پەیامەکەی بەڕێز عەبدوڵا ئۆجالان دەکەین، پێمانوایە پەیامێکی بەرپرسیارانە و پێویستی ئەم قۆناغەیە بۆ یەکخستنی ریزەکانی کوردایەتی و چارەسەرکردنی ئاشتییانەی کێشەکان لەسەر بنەمای هاوبەشێتی و پێکەوەیی بۆ بنیادنانی داهاتوویەکی پرشنگدار و ئارامتر بۆ گەلەکەمان.
یەکێتیی نیشتمانیی کوردستان ئەم پەیامە بە سەرەتا و قۆناغێکی گرنگ دەزانێت و وەک ئەرکێکی نەتەوەیی بەرپرسیار پشتیوانی ئەم پەیامە و سەرخستنی هەر هەنگاو و پرۆژەیەکە کە گیانی پێکەوەیی و برایەتی لەنێوان کورد و تورک دەباتە پێشەوە.
هیوادارین هەموولایەکمان بەدەم ئەم پەیامەوە بچین و هەنگاوی کرداریی بنێین بۆ گەیشتن بە ئاشتی سەرتاسەری و ئەم دەرفەتە مێژووییە لەدەستنەدەین کە سەرۆک مام جەلال بەردی بناغەکەی لە ساڵی 1993ـەوە داناوە.
وەک وتووشمانە ئێمە پشتیوانی خوشک و براکانمانین لە هەر چوار پارچەی کوردستان.
بافڵ جەلال تاڵەبانی
سەرۆکی یەکێتیی نیشتمانیی کوردستان
