ئیدارەی خۆبەڕێوەبەری باکوور و ڕۆژهەڵاتی سووریا ڕایگەیاند دان بە دەرەنجامەکانی ئەو کۆنفرانسەدا نانێن کە ئەمڕۆ بە بێ بەشداریکردنی کورد لە دیمەشقی پایتەختی سووریا بەڕێوەچوو.
ئیدارەی خۆبەڕێوەبەری باکوور و ڕۆژهەڵاتی سووریا ڕایگەیاند، ئەو لیژنەیەی کە بۆ ئامادەکاری کۆنفرانسی بەناو دیالۆگی نیشتمانیی سووریا پێکهێنرابوو، نوێنەرایەتی پێکهاتەکانی گەلی سووریا نەکردووە.
جەختیشیکردەوە کە پابەند نابن بە جێبەجێکردنی دەرەنجامی کۆنفرانسەکە.
خۆبەڕێوەبەریی باکوور و ڕۆژهەڵاتی سووریا ڕاشیگەیاند، لە دوای ڕووخانی رژێمی بەعس لە سووریا، گەلەکەمان بە گشتی و بە هەموو پێکهاتەکانیەوە، داوای بنیاتنانی سووریایەکی یەکگرتوومان کردووە بۆ سەرجەم لایەن و پێکهاتەکان بەبێ دوورخستنەوە یان پەراوێزخستن.
ئەوەشی خستەڕوو کە ئامانجی خۆەبڕیوەبەریی لە سەرەتای شۆڕشی سووریاوە، رزگارکردنی کۆمەڵگەی سووری بووە لە نادادپەروەری و دەستدرێژی و سیاسەتی دوورخستنەوە و پەراوێزخستن، لەم چوارچێوەیەدا دەستپێشخەری گرنگمان هەبووە و ئەمڕۆش داواکارییەکانمان نوێ دەکەینەوە، بۆ ئەوەی کۆنفرانسی دیالۆگی نیشتمانی راستەقینە بەڕێوەبچێت، کە نوێنەرایەتی هەموو سوورییەکان بکات، و هیچ لایەنێک پەراوێز نەخرێت.
