لە گوندێكی سنووری گەرمیان، گولە هاوەنێك بە منداڵێكدا تەقیوەتەوە و بەهۆیەوە گیانی لەدەستداوە.
عەقیدی مافپەروەر، عەلی جەمال قدووری، وتەبێژی پۆلیسی گەرمیان ڕایگەیاند، نیوەڕۆی ئەمڕۆ سێ شەممە، لەگوندی حاجی عەواد سەر بە ناحیەی سەرقەڵا، تەرمی منداڵێکی 9 ساڵان هێنرایە پزیشکی دادی قەزای کەلار.
ڕاشیگەیاند، بەوتەی کەسوکاری، منداڵەکە بەناوی (سەفین یادگار حەمید) لەنزیک گوندەکەیان لای مەڕوماڵات بووە و دەستکاری گولە هاوەنێکی کردوە، کە گومان دەکرێت کۆن بێت و لەئەنجامدا پێیدا تەقیەوەتەوە و گیانی لەدەستداوە.
ئاماژەی بەوەشكرد، لەئێستادا پۆلیس چۆتە شوێنی ڕووداوەکە و دەستیان بەلێکۆڵینەوە کردوە.
