بەهۆی دابەزینی پلەكانی گەرما و مەترسی بەستن و كاریگەری لەسەر خوێندكاران، هەردوو پارێزگای ئەنبار و سەڵاحەدین سبەینێیان كردە پشوو.
پارێزگاری ئەنبار لە بەیاننامەیەكدا ئاماژەی بەوەكردووە، بەهۆی دابەزینی پلەكانی گەرماوە، كە بۆ خوار سفر دادەبەزن، سبەینێ لەسەرجەم دامودەزگاكان پشووی فەرمی دەبێت.
لای خۆشیەوە، پارێزگای سەڵاحەدین لە بەیاننامەیەكدا ئاماژەی بەوەكردووە، بەهۆی دابەزینی پلەكانی گەرماوە و بوونی سەرمایەكی زۆرەوە، سبەینێ سێ شەممە لە سەرجەم خوێندنگە و زانكۆ و پەیمانگاكان دەكرێتە پشوو.
ئەمە لەكاتێكدایە، كە لە زۆربەی شار و شارۆچكەكانی هەرێم پلەی گەرما بۆ -5 تاوەكو -15 پلە دابەزیوە و لە ناوچە شاخاوییەكان زیاتریش دابەزیوە، بەڵام جگە لە ناوچە شاخاوییەكان لە شارەكان پشوو ڕانەگەیەنراوە.
