پارێزگای هەڵەبجە دریژکردنەوەی پشووی لە سنووری ناحیەی بیارە و تەوێڵە بۆ سبەینێ درێژدەکاتەوە.
پارێزگای هەڵەبجە، لەبڵاوکراوەیەکدا ڕایگەیاند، بەهۆی ئەو شەپۆلە بەفرو باران بارینەی ڕووی لەناوچەی هەورامان کردووە، لەسەر پێشنیاری ئازاد تۆفیق پارێزگاری هەڵەبجە، بڕیار درا ، لە بەر دۆخی کەشوهەوای ناوچەکە و نزم بوونەوەی پلەکانی گەرما سبەینێ 24ی 2ی 2025 پشووی فەرمی دەبێت لە سنووری ناحیەی بیارە و تەوێڵە و گوندەکانی، لەسەرجەم دامەزراوەکانی حکومەت و قوتابخانە و باخچەکانی سنوری ناحیەکەدا.
تێبینی/ئەم پشووە ئەو خوێندکارانە ناگرێتەوە کە تاقیکردنەوەی تەمهیدیان هەیە و لەدەرەوەی ناحیەکە ئەنجامی دەدەن.
هاوکات هەر ئەمڕۆ پارێزگای کەرکوک بەهۆی دابەزینی پلەکانی گەرماو سەرمایەکی زۆر بڕیاریدا دوو ڕۆژ پشووبیت لە ناوەندەکانی خوێندن.
