پارێزگای هەڵەبجە بڕیاریدا سبەینێ بەهۆی بەفر و سەرماوە لە تەواوی سنووری تەوێڵە و بیارە بكرێتە پشووی فەرمی.
دیوانی پارێزگای هەڵەبجە لە راگەیەندراوێكدا ئاماژەی بەوەکردووە، بەهۆی ئەو شەپۆلە بەفر و بارانبارینەی ڕووی لەناوچەی هەورامان كردووە، لەسەر پێشنیاری ئازاد تۆفیق، پارێزگاری هەڵەبجە، بڕیار درا سبەینێ یەك شەممە 23-2-2025، پشووی فەرمی دەبێت لە سەرجەم دامەزراوەكانی حكومەت و قوتابخانە و باخچەكانی سنووری ناحیەی بیارە و تەوێڵە و گوندەكانی.
ڕاشیگەیاندووە، پشووەكەی سبەینێ ئەو خوێندكارانە ناگرێتەوە كە تاقیكردنەوەی بەراییان هەیە و لەدەرەوەی ناحیەكە ئەنجامی دەدەن.