دوای بارینی بەفرێكی زۆر و دابەزینی پلەكانی گەرما، بەڕێوەبەرایەتی هاتووچۆی پێنجوێن هۆشداری بەستنی شەقامەكان و بەتایبەتیش ڕێگەی ملەكەوە و ملەی نەڵمە دەدات.
بەڕێوەبەرایەتی هاتووچۆی پێنجوێن لە ڕاگەیەنراوێكدا ئاماژەی بەوەكردووە، بەهۆی دابەزینی پلەکانی گەرماوە لە م شەوەوە شەقامەکان دەیبەستێت بەتایبەتی ڕێگای ملەکەوە و ملەی نەڵمە.
ڕاشیگەیاندووە، پێویستە تۆی شۆفێر خێراییەکەت کەم بکەیتەوە و ماوەی سەڵامەتی نێوان خۆتان و ئۆتۆمبێلی پێش خۆتان بهێڵنەوە بۆ پاراستنی ژیانی خۆتان و ماڵتان.
ئەمە لەكاتێكدایە، كە دامەزراوەكانی كەشناسی و شارەزایانی بواری كەشناسی هۆشداری لە دابەزینی زیاتری پلەكانی گەرما و بارینی بەفری زیاتر دەدەن و داوا دەكەن دوو ڕۆژی داهاتوو بكرێتە پشوو.
