وەزارەتی نەوتی عێڕاق داوا لە هەرێمی کوردستان دەکات بڕی بەرهەمهێنراوی نەوت ڕادەست بکەن بۆ هەناردەکردنی لەڕێگەی بەندەری جەیهان.
وەزارەتی نەوتی عێراقە لە ڕاگەیەندراوێکدا ڕایگەیاند، رێکارەکانی هەناردەکردنەوەی نەوتی هەرێمی کوردستان لە رێگەی بەندەری جەیهان تەواو بوون و دەست بە هەناردەی نەوت دەکرێتەوە.
وەزارەتی نەوتی عێراق داوا لە هەرێمی کوردستان دەکات بڕی بەرهەمهێندراوی نەوت لە کێڵگەکان رادەستی کۆمپانیای بە بازاڕکردنی نەوت سۆمۆ بکات، بۆ ئەوەی هەناردەکردنەوەی نەوت لەڕێگەی بەندەری جەیهان دەستپێبکاتەوە.
بەپێی ڕاگەیەندراوەکە، هەناردەکردنەوەکە لەڕێگەی بۆرییەکانی عێراق-تورکیاوە دەبێت.
ئەمەش لەکاتێکدایە ئەمڕۆ نێچیرڤان بارزانی و محەمەد شیاع سودانی کۆبوونەوە و لەسەر هەناردەی نەوتی هەرێم ڕیککەوتن.
