ئاژانسی ڕۆیتەرز بڵاویکردەوە، کە ئیدارەی دۆناڵد ترەمپ، سەرۆکی ئەمریکا، داوا لە عێراق دەکات دەستبەجێ نەوتی هەرێمی کوردستان هەناردە بکاتەوە.
ئاژانسەکە ئاماژەی بەوەشکردووە، ئیدارەی ترەمپ پێی وایە فرۆشی نەوتی کوردستان دەتوانێت یارمەتیدەر بێت بۆ دابەزاندنی نرخی نەوتی خاو.
لای خۆیانەوە چەند سەرچاوەیەک بە ڕۆیتەرزیان وتووە، ئیدارەی سەرۆک ترامپ فشار دەخاتە سەر عێراق بۆ ئەوەی ڕێگە بە هەناردەکردنی نەوتی کوردستان بدات یان لەگەڵ ئێراندا ڕووبەڕووی سزا ببێتەوە.
باسی لەوەشکردووە، دەستپێکردنەوەی خێرای هەناردەکردنی نەوتی هەرێم یارمەتیدەر دەبێت بۆ قەرەبووکردنەوەی ئەگەری دابەزینی هەناردەکردنی نەوتی ئێران کە واشنتن بەڵێنی داوە وەک بەشێک لە هەڵمەتی “ئەوپەڕی فشار”ی ترەمپ بۆ سەر تاران کەم بکاتەوە.
