حەمەی حەمەسەعید، وەزیری ڕۆشنبیری و لاوانی حکومەتی هەرێمی کوردستان، بە بۆنەی ڕۆژی جیهانیی زمانی دایک، پەیامێکی بڵاوکردەوە و ڕایگەیاند، کە وەزارەتەکەی هەوڵی داوە تەواوی زار و زاراوەکان لە هەرێمی کوردستان زەمینەی پاراستن و برەو پێدانیان فەراهەم بکرێت.
بەپێی پەیامەکەی وەزیری ڕۆشنبیری و لاوانی هەرێمی کوردستان تیایدا هاتووە: “لە وەزارەتەکەمان هەوڵمانداوە تەواوی زار و زاراوەکان، کە لە هەرێمی کوردستاندا هەن، زەمینەی پاراستن و برەو پێدانیان بۆ فەراهەم بکەین، لەناوچوونی هەرکام لەوانە زیانە، بۆ فەرهەنگی نەتەوەییمان.
دەقی پەیامەکە بە سۆرانی و هەورامی
بەبۆنەی ڕۆژی جیهانی زمانی دایکەوە
لای هەموان ئاشکرایە ٢١ شوباتی هەموو ساڵێک، لەلایەن یونسکۆوە بە ڕۆژی زمانی دایک دیاری کراوە و ناسراوە، لەم ڕۆژەدا پیرۆزبایی لەئاخێوەرانی تەواوی زمانەکانی جیھان دەکەین، خوازیارین هیچ زمانێک لەژێر کاریگەری زمانی سەردەست بەرەو لاوازبوون و لەناوچوون نەچێت.
ئێمە لەوەزارەتی ڕۆشنبیری و لاوان هەوڵمانداوە تەواوی زار و زاراوەکان، کە لە هەرێمی کوردستاندا هەن، زەمینەی پاراستن و برەو پێدانیان بۆ فەراهەم بکەین، لەناوچوونی هەرکام لەوانە زیانە، بۆ فەرهەنگی نەتەوەییمان.
جارێکی تر ڕۆژی جیهانی زمانی دایک پیرۆز و ئەم یادە بەرز ڕادەگرین.
حەمەی حەمەسەعید
وەزیری ڕۆشنبیری و لاوانی
حکومەتی هەرێمی کوردستان
20/ 2/ 2025
پەیام
بۆنەو ڕۆو جەهانی زوانی ئەڎاییۆ
لاو گردیماوە ئاشکران ڕۆ 21 شوباتو گرد ساڵێ( دوێ سیاوکامی) جە لاو یۆنسکۆیۆ بەڕۆو زوانی ئەڎایی دیاریکریان و ئەژناسیان، چی ڕوەنە مەبارەک بایی کەرمێ جە گر کەسێوی کە بەهەرزوانێ قسێ کەرۆنە. وازیارێنمێ هیچ زوانێو سایۆ زوانی سەردەستیەنە کزنەبۆنە و بەینەنە نەشۆ.
ئێمە وەزارەتو ڕۆشنویری و جوانانە کۆشانما تەمامو زوان و زارەکێ زەمینۆ پارێزنایشا پێ دەسەبەر کەرمێنە، بەین شیەی هەرکام چانیشا خەسارەتا پێ فەرهەنگی نەتەوەییما.
جارێتەر ڕۆ زوانی ئەڎایی مدرامان بۆنە.
حەمەو حەمەسەعیدی
وەزیرو ڕۆشنویری و جوانا
