بافڵ تاڵەبانی، سەرۆکی یەکێتی نیشتمانی کوردستان لە ڕۆژی جیهانی زمانی دایک پەیامێکی بڵاوکردەوە و ڕایگەیاند، زمانەکەمان شوناس و ناسنامەمانە.
لە پەیامەکەی بافڵ تاڵەبانی کە ئەمڕۆ هەینی بڵاویکردەوە دەڵێت: لە ڕۆژی جیهانیی زمانی دایکدا، یادی هەموو ئەو کەسانە دەکەینەوە کە سەرمەشقی پاراستنی زمانی کوردی بوون.
دەشڵێت: زمانەکەمان شوناس و ناسنامەمانە، ئێمە بە شانازییەوە بەرگری لە مانەوە و پاراستنی زمانی شیرینی کوردی دەکەین.
باسی لەوەشكردووە: ئەرکی هەموولایەکمانە پەرەی پێبدەین و هاوکاری هەموو ئەو پێنووسانەش بین کە زمانەکەمان لە شێواندن دەپارێزن.
