وەزیری ناوخۆی تورکیا ڕایگەیاند، بەلەمێکی کۆچبەران لە دەریای ئیجە نوقم بووە، بە هۆیەوە شەش کۆچبەر گیانیان لەدەستداوە و 27 کۆچبەری دیکەشیان ڕزگارکراون.
ئەمڕۆ هەینی، عەلی یەرلیکایا، وەزیری ناوخۆی تورکیا ڕایگەیاند، لە ناو ئەو شەش کەسەی کە گیانیان لە دەستداوە سێ منداڵیان تێدابووە، لە ناو ئەو 27 کەسەشی کە ڕزگار کراون کەسێکیان بەتۆمەتی بە قاچاخبردنی ئەو پەنابەرانە دەستگیرکراوە.
ئاماژەی بەوەشکرد، تا ئێستا ناسنامەی قوربانیانی ئەم ڕووداوە دیاری نەكراوە، بەڵام هاووڵاتیانی وڵاتانی جۆراوجۆر لەوانە ئێران، ئەفغانستان، پاكستان و سووریا لە ڕێگەی ئەم رێڕەو ئاوییە مەترسیدارەوە ساڵانە گەشت دەکەن بۆ ئەوەی بگەنە ئەوروپا.
