بە بەشداری ١٢ گەورە کۆمپانیا، دەیەمین پێشانگای نێودەوڵەتی ئۆتۆمبێل لە هەولێر کرایەوە.
ئەمڕۆ پێنجشەممە، مەسرور بارزانی، سەرۆکی حکومەتی هەرێمی کوردستان دەیەمین پێشانگای نێودەوڵەتیی ئۆتۆمبێلی لە ھەولێر کردەوە.
لە پێشانگاکەدا کە بۆ ماوەی چوار ڕۆژ بەردەوام دەبێت، چەندین کۆمپانیای ناوخۆ و دەرەوە کە تایبەتن بە بوارەکانی ئۆتۆمبێل، پارچەی یەدەگ و جوانکاری تیایدا بەشداریان کردووە.
پێشانگاکە تا ڕۆژی ٢٣ی ئەم مانگە بەردەوام دەبێت و ڕۆژانە لە کاتژمێر ١١:٠٠ پێشنیوەڕۆ تا کاتژمێر ٠٧:٠٠ی ئێوارە بە ڕووی سەردانیکەراندا، کراوە دەبێت.
١٢ کۆمپانیای گەورە بە ١٩ براندی جیاواز، ١٦٠ کۆمپانیای جوانکاری و پارچەی یەدەگی ئۆتۆمبێل کە ٤٠یان ناوخۆیی و ١٢یان بیانین لە پێشانگەکەدا، بەشداری دەکەن.
لە پێشانگاكەدا، گەورەترین ئۆتۆمبێل و ماتۆرسکیل نمایش دەکرێن.
