دۆناڵد ترەمپ، سەرۆکی ئەمریکا ڕایگەیاند، ئۆکراینام خۆش دەوێت، بەڵام زیلینسكی کارەساتی خوڵقاند و دانوستانەکانیش لەگەڵ ڕووسیا بەردەوام دەبن.
دۆناڵد ترەمپ، سەرۆکی ئەمریکا لە پۆستێکی تایبەتدا کە لە تۆڕی کۆمەڵایەتی “تروس” بڵاویکردەوە، ڕەخنەی لە ڤۆلۆدیمێر زیلینسكی، سەرۆکی ئۆکراینا گرت.
سەرۆکی ئەمریکا لە نووسینەکەیدا زیلینسكی بە “کۆمیدی” ناو هێناوە و باسی لەوە کردووە کە شەڕێکی دەست پێکردووە کە نەدەبوایە دەستی پێ بکات و کارێکی خراپی کرد”.
ترەمپ بۆ زیلینسكی نووسیوێتی: “ئەو ئەمریکای قایل کرد کە ٣٥٠ ملیار دۆلاری بۆ چوونە ناو شەڕێک پێ بدات کە هەرگیز سەرکەوتنی بەدوادا نەبوو و هەرگیزیش بە بێ ئەمریکا و ‘ترەمپ’ نەیدەتوانی چارەسەری بکات. جگە لەوەش زیلینسكی دان بەوە دادەنێت کە نیوەی ئەو پارەیەی کە نێردراوە بۆ ئەو وڵاتە دیار نەماوە. ئەو بەڕێوەبردنی هەڵبژاردنیشی ڕەت کردەوە”.
ترەمپ هەروەها سەرۆکی پێشووی ئەمریکا جۆ بایدن’یشی بە خراپ بەڕێوەبردنی دۆخەکە ناو بردووە.
سەرۆکی ئەمریکا جەختی لەوەش کردەوە کە دانوستانەکان لەگەڵ ڕووسیا بەردەوام دەبێت و گوتیشی: “ئۆکراینام خۆش دەوێ بەڵام زیلینسكی کارەساتی خولقاند. وڵاتەکە لێک هەڵوەشایەوە و بە ملیۆنان کەس بە هیچ و خۆڕایی کوژران”.
ترەمپ هەروەها ڕەخنەی لە بەڕێوەنەچوونی هەڵبژاردن لە ئۆکرایناش گرت و گوتی: “زیلینسكی دیکتاتۆرێکە کە ڕێگریی لە هەڵبژاردن کردووە و زوو دەست بجووڵێنێت باشە، ئەگینا وڵاتەکەی لەدەست دەدات”.
