نوسینگەی ڕاگەیاندنی ئەیاد عەلاوی لەبارەی ڕوونکردنەوەکەی بارزانی هاتەدەنگ و دەڵێت”وتارەکە دەستکاری کراوە و مەبەستەکە بەهەڵە گەیشتووە”.
میدیا عێراقییەکان لەزاری نوسینگەی ڕاگەیاندنی ئەیاد عەلاوی بڵاویانکردەوە، لەبارەی ڕوونکردنەوەکەی بارەگای بارزانی، ئەو گرتە ڤیدیۆیەی بڵاوبۆتەوە دەستکاری کراوە و بەشیک لە وتەکان لابراون بۆئەوەی مەبەستە سەرەکییەکە بشێوێنرێت.
ئاماژەی بەوەشکردووە، ئەیاد عەلاوی لە وتارەکەیدا ئاماژەی بە ڕەتکردنەوەی ئەو تۆمەتانە کردووە، کە لەم دواییانەدا سەبارەت بە بوونی بارەگای حزبی بەعس لە هەرێمی کوردستان و جەختی لەوە کردەوە کە ئەو تۆمەتە بە تەواوەتی دوورە لە ڕاستییەوە.
نووسینگەکە ئاماژەی بەوەشکردووە، “وەرگرتنی وتارەکەی عەلاوی و پارجەکردنی بۆتەهۆی لێکتێگەیشتنێکی هەڵە”. جەختیشی لەوە کردەوە کە “عەلاوی ئەوپەڕی پێزانین و ڕێزی بۆ مەسعوود بارزانی هەیە، کە لە پێشەنگی ئەو کەسانەدا بوو کە بەرەنگاری ڕژێمی پێشوو بووەوە”.
نووسینگەی ڕاگەیاندن داوای کردووە “هەموولایەک گرنگی وردبینی و بەرپرسیارێتی لە گەیاندنی لێدوانەکاندا بدەن، و بە بەرپرسیارێتییەوە ئەو ڤیدیۆیانە پارچە پارچە بکەن بۆئەوەی هەڵە تێگەیشتن دروستنەبێت.
