دوای ڕێککەوتنی هەرێم و عێڕاق لەسەر پرسی مووچە گۆرانکاری ڕوودەدات و مووچەی بنەڕەتی دەگۆڕێت بەشێوەیەک چەند پلەیەک زیاد دەکات و جەند پلەیەک کەم دەکات.
بەپێی هەواڵێکی میدیای پارتی، مووچەی بنەڕەتی فەرمانبەرانی هەرێمی کوردستان گۆڕانکاری بەسەر دادێت، و وەزارەتی دارایی حکومەتی هەرێم بۆ دانانی مووچەی بنەڕەتی کار بە یاسایی مووچەی فەرمانبەرانی كەرتی گشتی ژمارە 22ـی ساڵی 2008 کردووە، و دوای ئەم ڕێککەوتنە دەبێت وەزارەتی دارایی هەرێم کار بەو یاسایە ڕابگرێت و لەسەر یاساکەی عێڕاق کار بکات.
هەربەپێی هەواڵی میدیای پارتی، گۆڕانکاری لە مووچەی بنەڕەتی مووچەخۆرانی هەرێم ڕوودەدات هەندێکیان زیاد دەکەن و هەندێکیشیان کەمدەکات، هاوکات گۆڕانکاریش لە سەرەمووچە ڕوودەدات بەمشێوەیە:
پلە 1 و 2 و 3 مووجەکانیان کەمدەکات، بەمشیوەیە:
پلە یەک : 38،000 دینار کەمدەکات
پلە دوو: 35،000 دینار کەمدەکات
پلە سێ: 21،000 دینار کەمدەکات
ـ فەرمانبەران لە پلەکانی چوار تاوەکو حەوت دەستکاریی ناکرێن و مووچەی بنەڕەتییان وەکو خۆی ئەمێنێتەوە.
– پلە چوار 509 هەزار مووچەی بنەڕەتی دەستکاری ناکرێت، تەنیا “عەلاوە”ی ساڵانەی کەمدەبێتەوە.
– پلە پێنج 429 هەزار دینار دەستکاری ناکرێت، تەنیا “عەلاوە”ی ساڵانەی کەمدەبێتەوە.
– پلە شەش 362 هەزار هەروەک خۆی دەمێنێتەوە، و دەستکاری ”عەلاوە”ی ساڵانەیان ناکرێت.
– پلە حەوت: دەستکاری ناکرێت.
ئەو پلە وەزیفیانەی مووچەیان زیاد دەبێت ئەمانەن:
– پلە هەشت: 20 هەزار زیاد دەکات.
– پلە نۆ: لە مووچە بنەڕەتییەکەی 25 هەزار زیاد دەبێت.
– پلە 10 کە دوایین پلەی وەزیفییە لە مووچەی بنەڕەتی 30 هەزار دینار زیاد دەبێت.
هاوکات پلە تایبەتەکانیش بەمشێوەیەیە:
بەڕێوبەری گشتی و هاوشێوەکانی لەو پلەیە، ملیۆنێک و 500 هەزار دینار مووچەی بنەڕەتییان دەبێت.
پلە تایبەتەکانیش مووچەی بنەڕەتییان دوو ملیۆن دینار دەبێت.
پلە تایبەتەکانی وەکو بریکاری وەزیر و ڕاوێژکاران دوو ملیۆن و 413 هەزار دینار مووچەی بنەڕەتییان دەبێت.
زیادبوونی عەلاوە (سەرمووچەی ساڵانە)
پێشتر عەلاوە لە 4 هەزار دینار دەستیپێدەكرد بۆ 20 هەزار دینار، بەڵام ئێستا گۆڕانكاری كراوە و لە 3 هەزار دینار دەستپێدەكات بۆ 20 هەزار دینار ئەویش بەم شێوەیە:
ـ پلە یەك وەك خۆی هەر 20 هەزار دینارە.
ـ پلە دوو وەك خۆی هەر 17 هەزار دینار ماوەتەوە.
ـ پلە سێ لە 12 هەزارەوە بووەتە 10 هەزار دینار.
ـ فەرمانبەری پلە چوار لە 10 هەزار بووەتە 8 هەزار دینار.
ـ فەرمانبەرانی پلە پێنج لە 7 هەزار بووەتە 6 هەزار دینار.
ـ فەرمانبەری پلە شەش و حەوت وەك خۆیی 6 هەزار دینار.
ـ پلە هەشت و نۆ لە 5 هەزار دینار كەمكراوەتەوە بۆ 3 هەزار دینار.
ـ فەرمانبەری پلە 10 دەبێتە سێ هەزار دینار كە پێشتر چوار هەزار دینار بوو.
