سەرۆکایەتی شارەوانی سلێمانی ئاگاداری شۆفێران دەكاتەوە، كە ڕۆژی یەك شەممە شەقامی هەواری شار بۆ تونێلی پێشڕەو لە فولكەی بەردەم بەرزاییەكانی قەیوانەوە دادەخرێت.
سەرۆکایەتیی شارەوانیی سلێمانی ئاگاداری هاووڵاتییان و شۆفێران دەکات، بەمەبەستی کارکردن لەشەقامی تونێلی پێشڕەو بەرەو شەقامی هەواری شار ڕۆژی (یەک شەممە) ڕێکەوتی ٢٠٢٥/٢/١٦ هەردوو سایدەکە بەربەست دەکرێت (لە فلکەی بەردەم بەرزاییەکانی سلێمانی) بە ئاڕاستەی تونێلی پێشڕەو.
ڕوونیشی كردۆتەوە، شەقامەكە بە ئاڕاستەی ڕۆشتن و هاتن بەربەست دەکرێت بەمەبەستی کارکردن لەو شەقامە.
دەشڵێت: “داواکارین لە هاووڵاتییانی خۆشەویست شەقامی سەرەکی دەباشان بەکاربهێنن تا کردنەوەی شەقامەکە”.
