شارەزایەكی كەشناسی ڕایدەگەیەنێت، شەپۆلی بەفر و باران ناوچەكانی هەرێمی كوردستان دەگرێتەوە و دەشڵێت: شەممە كەشوهەوا سەقامگیر دەبێتەوە.
شاڵاو هیدایەت، شارەزای كەشناسی بۆ (خەڵك) ڕایگەیاند، لە شەوەوە شەپۆلێكی بەفر و باران بەشێكی سنووری بادینانی گرتووەتەوە و بە تێپەڕبوونی كات، هەور زیاتر ناوچەكەمانی گرتەوە و باران بارین دەستی پێكردووە.
دەشڵێت، “زۆرترین كاریگەریی ئەم شەپۆلە، ئەمشەو بوو لەگەڵ ئەمڕۆ هەینی، بۆیە خۆتان بۆ شەڕە بەفر و وێنەگرتن ئامادەبكەن”.
ئاماژەی بەوەشكرد، ئەمڕۆ هەینی لە كاتەكانی ئێوارە بۆ شەو، بە تەواویی شەپۆلەكە كۆتایی دێت و سبەی شەو و ڕۆژی شەممە، كەش لە هەموو ناوچەكان سەقامگیر دەبێتەوە و زۆرینەی ناوچەكان بارانی پێویست و باشی پێوەیە، جگە لە باشوور و ناوەڕاستی گەرمیان، كە كاریگەریی لەسەریان لاوازە.
پێشبینیشی كرد، “بۆ ناوچە شاخاوییەكانیش، بە شارۆچكە و دێهاتەكانیانەوە، ئەگەری بەفری مامناوەند بۆ باش هەیە”.
