سەرۆکی پارتی دیموکراتی کوردستان لەگەڵ شاندێکی پەرلەمانی عێراق کۆبۆوە و دەڵێت” كە پێویستە دامەزراوەكانی دەوڵەت لە چوارچێوەی كاركردن بە دەستوور پابەندی هەر سێ بنەمای شەراكەت و تەوازون و تەوافوق بن”.
ڕۆژی پێنجشەممە 13ـی شوباتی 2025، مەسعود بارزانی، سەرۆکی پارتی، لە سەلاحەددین پێشوازی لە شاندێكی پەرلەمانی عێڕاق كرد، كە پێكهاتبوو لە ئەندامانی لیژنەی چاودێریی ئامادەكردنی ستراتیژیەتی ئاسایشی نیشتیمانی پەرلەمانی عێڕاق بە سەرۆكایەتیی جەواد پۆلانی ئەندامی پەرلەمانی عێڕاق.
بەپێی بڵاوکراوەیەکی بارەگای بارزانی، لە دیدارەكەدا شاندەكە داوای بۆچوون و پێشنیار و هەڵسەنگاندنی مەسعود بارزانییان كرد لەسەر كاروباری لیژنەكەیان و ستراتیژییەتی ئاساییشی نیشتیمانی.
لەبەرانبەردا مەسعود بارزانی وێڕای دەستخۆشی لە ئەرك و كاری لیژنەی چاودێریی ئامادەكردنی ستراتیژیەتی ئاسایشی نیشتیمانی پەرلەمانی عێڕاق ، پەیوەست بە بارودۆخی سیاسی بەرچاوڕونیی پێویستی خستەڕوو و جەختیشی لەوە كردەوە كە پێویستە دامەزراوەكانی دەوڵەت لە چوارچێوەی كاركردن بە دەستوور پابەندی هەر سێ بنەمای شەراكەت و تەوازون و تەوافوق بن.
