کەشناسی: لە سەنتەری دوو پارێزگا بەفر دەبارێت

بەڕێوەبەرایەتی کەشناسی ڕایگەیاند شەپۆلێکی بەفر و باران هەرێمی کوردستان دەگرێتەوە و لە سەنتەری سلێمانی و دهۆکیش ئەگەری بەفربارین هەیە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان رایگەیاند، ئەمڕۆ چوارشەممە، ئاسمان ساماڵ و پەڵە هەور دەبێت، لە کاتەکانى ئێوارەدا دەگۆرێت بۆ نیمچە هەور، پلەکانی گەرماش کەمێک بەرز دەبنەوە.

سەبارەت بە سبەینێ پێنجشەممەش رایگەیاند، لە ئەنجامى هاتنی شەپۆلێکى بەفر و باران لەسەر ناوچەکەمان، بارانبارین بەشێوەى نمە بارانی پچڕ پچڕ دەست پێ دەکات، لە کاتەکانى ئێوارەدا کاریگەرى ئەم شەپۆلە زیاد دەکات و بارانى مام ناوەند دەبارێت.

کەشناسی ئەوەشی خستەڕوو کە سبەینێ بەفربارین لەسەر ناوچە شاخاوییە بەرزەکان و سنووریەکان دەبارێت و ئەو ناوچانەى بەرزاییان لە 1000 مەتر زیاتر بێت ئەگەرى بەفر بارینی هەیە.

ڕوونیشیکردەوە کە لە سەنتەرى پارێزگاى سلێمانى و دهۆک ئەگەرى بەفر هەیە بە تێکەڵى لەگەڵ باراندا و پلەی گەرماش کەمێک نزم دەبێتەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر  : 15 پلەى سیلیزى

سلێمانی : 12پلەى سیلیزى

دهۆک  : 12 پلەى سیلیزى

کەرکووک : 16 پلەى سیلیزى

زاخۆ : 12 پلەى سیلیزى

هەڵەبجە : 13 پلەى سیلیزى

حاجی ئۆمەران: 0 پلەى سیلیزى

سۆران: 11پلەى سیلیزى

گەرمیان : 20 پلەى سیلیزى