گرتە ڤیدیۆییەکی یوتوبەری بەناوبانگ “مستەر بیست” کاردانەوەی فراوانی بەدواداهات و لەیەک ڕۆژدا 60 ملیۆن بینەری هەبوو.
ئەو ڤیدیۆیەی مستەر بێست، سەرکێشییەکی نائاسایی لەناو هەرەمەکانی جیزە لە میسر تۆمار دەکات، وە یەکێکە لە بوێرترین و ورووژێنەرترین پڕۆژەکانی، کە ناوەڕۆکەکەی بریتییە لە بەسەربردنی 100 کاتژمێر بە بەردەوامی لەناو هەرەمەکاندا، هاوکات بەدوای ئەو شوێنانەدا دەگەڕێت کە پێشتر بەڕووی خەڵکی گشتیدا نەکراونەتەوە، وەک گۆڕی نهێنی ئۆسیریس و ڕێڕەوی نهێنی ناو ئەسفەنگەکان.
لە میانی دەرکەوتنی لە پۆدکاستەکەی بیۆن دی ڕیکۆردز کە لەلایەن ڕاکەری ئۆڵۆمپی نوح لایڵزەوە میوانداری دەکرا، مێستێر بیست ئاشکرایکرد، کە ئەو سەرکێشییە بە فەرمی لەلایەن دەسەڵاتدارانی میسرەوە پەسەندکراوە، ئەمەش ڕێگەی پێداوە بچێتە ئەو ناوچانەی کە بە دەگمەن خەڵک سەردانیان دەکەن، وەک ژوورەکانی ناوەوە و ڕێڕەوی تەسک و گۆڕە قووڵەکانی فیرعەونەکان.
بیست ڕوونیشیکردەوە، پڕۆژەکە تەنها لە وێنەگرتنی ڤیدیۆیەکی نوێدا سنوردار نییە، بەڵکو سەرکێشییەکی مێژووییە کە ئامانجی ڕۆشنکردنەوەی نهێنییەکانی هەرەمەکان و وروژاندنی لێکۆڵینەوەی زانستییە سەبارەت بە چۆنیەتی دروستکردنیان و پشتڕاستکردنەوەی هەندێک گریمانە کە پەیوەندییان بە شارستانیەتی فیرعەونەکانەوە.
بە گۆڕی ئۆسیریس و پەرستگای شاراوەدا بگەڕێ
لە کاتی گەشتەکەیدا بیست بەرەو گۆڕی ئۆسیریس بەڕێکەوت کە یەکێکە لە شوێنەوارە سەرنجڕاکێشەکانی هەرەمەکانی جیزە، ئەم گۆڕە لە قووڵایی ژێر زەویدا هەڵکەوتووە، و پێدەچێت ژوورێکی پیرۆزی ناشتنی فیرعەونی تێدابێت کە هەندێک وردەکارییەکانی تا ئێستا نەزانراوە.
بیست بە پێشکەشکردنی ناوەڕۆک ناسراوە لەسەر بنەمای ئاڵنگاری و سەرکێشی گەورە و ناتەقلیدی و پێشکەشکردنی خەڵاتی بەنرخ بۆ فۆڵۆوەرەکانی.
ئەم سەرکێشییە لەناو هەرەمەکانی جیزەدا ڕەنگدانەوەی گەورەی بەکارەکانی بەخشی، بەو پێیەی ئەم کارە لەلایەن بینەرەکانەوە بەزوویی پێشوازی لیکرا، و بابەتەکە کات بەسەربردن و مێژوو و گەڕانی زانستی بوو، ئەمەش کەناڵەکەی دەکاتە یەکێک لە پڕبینەرترین کەناڵ لە جیهاندا.
بیست بەم ڤیدیۆیە دووبارە تیشک دەخاتە سەر هەرەمەکانی جیزە وەک یەکێک لە گەورەترین شوێنەوارەکانی جیهان، کە ڕەنگە یارمەتیدەر بێت بۆ پێشخستنی گەشتیاری ڕۆشنبیری بۆ میسر و هاندانی خەڵکی زیاتر لە سەرانسەری جیهان بۆ ئاگاداربوون لە نهێنییەکانی شارستانیەتی فیرعەونی.
