دادگای باڵای فیدڕاڵی عێراق تانەكانی سەر هەر سێ یاسای (لێبوردنی گشتی- سوننە، باری كەسێتی- شیعە، گێڕانەوەی موڵك و ماڵ-كورد) ڕەتكردەوە و ڕایگەیاند، نابێت هیچ یاسایەك دەربچێت دژی دەستووربێت.
دادوەر جاسم عەبود، سەرۆكی دادگای فیدڕاڵی دەقی بڕیاری دادگای خوێندەوە، كە “بەزۆرینە” دەرچووە و ڕایگەیاند، نابێت هیچ یاسایەك لە پەرلەمان دەربچێت دژی دەستوور بێت و پێویستە هەمووان ڕێز لە بڕیارەكانی دادگا بگرن.
ڕاشیگەیاند، بڕیارەكانی دادگای فیدڕاڵی بەهیچ شێوەیەك تانەیان لێنادرێت و شیاوی ڕەەتكردنەوە نین و دەبێت جێبەجێ بكرێن.
ئاماژەی بەوەشكرد، بەهۆی ئەوەی ئەو تانانەی دراون لەسەر ئەو سێ یاسایە لەلایەن كەسانێكەوە دراون، كە بەرژەوەنییان لە داواكەدا نییە و لەلایەن دەسەڵاتێكەوە دەرچووە، كە تایبەتە بە یاسادانان، بۆیە بڕیارماندا بە ڕەتكردنەوەی تانەكان.
جەختیشی كردەوە، دادگای فیدڕاڵی بڕیاریدا بە هەڵوەشاندنەوەی فەرمانی وەلائی تایبەت بە وەستاندنی كاركردن بە ئەو سێ یاسایە.
