لەگەڵ ئەوەی کەشناسی هەرێمی کوردستان پێشبینی بەرزبوونەوەی پلەی گەرما دەکات، بەڵام ئەمڕۆ نزمترین پلەی گەرما لە حاجی ئۆمەران گەیشتە -10.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ سێشەممە، ئاسمان بە گشتی ساماڵ دەبێت جگە لە بەشێک لە سنوورى پارێزگاى دهۆک ئاسمان نیمچە هەور دەبێت لەگەڵ کەمێک دابارین لە ناوچە سنووورییەکانى ئەو پارێزگایە.
ڕوونیشیکردەوە کە ئەمڕۆ پلەی گەرما کەمێک بەرز دەبێتەوە، بەڵام لە ناوچەی حاجی ئۆمەران نزمترین پلەی گەرما تۆمارکراوە کە 10 پلەی ژێر سفر بووە.
سەبارەت بە سبەینێ چوارشەممەش ڕایگەیاند، ئاسمان بەگشتى نیمچە هەور دەبێت و پلەی گەرماش کەمێک بەرز دەبێتەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر: 14 پلەى سیلیزى
سلێمانی: 14پلەى سیلیزى
دهۆک: 12 پلەى سیلیزى
کەرکووک: 16 پلەى سیلیزى
زاخۆ: 12 پلەى سیلیزى
هەڵەبجە: 12 پلەى سیلیزى
حاجی ئۆمەران: 0 پلەى سیلیزى
سۆران: 12پلەى سیلیزى
گەرمیان: 17 پلەى سیلیزى
