فراکسیۆنی یەکگرتوو پشتیوانی خۆیان بۆ ئەنجامدانی خۆپیشاندان لە هەولێر ڕاگەیاند و دەڵێن” حكومەتی هەرێم فاشیل و خەمساردە بەرامبەر بە داواكاریەكانی خەڵكی كوردستان”
مامۆستا مستەفا عەبدوڵا سەرۆكی فڕاكسیۆنی یەكگرتوو بڵاویکردەوە، فڕاكسیۆنی یەكگرتوو لەپەرلەمانی كوردستان بانگەوازێك ئاڕاستەی مامۆستایان و فەرمانبەرانی هەولێر دەكات و داوایان لێدەكات، سبەی مانگرتنی سەرتاسەری ڕابگەیەنن.
فراکسیۆنی یەکگرتوو هەروەها پشتیوانیش دووپات کردەوە بۆ ئەومامۆستایانەی بڕیارە لە سلێمانییەوە بێنە هەولێر و خۆپیشاندان لەبەردەم بارەگای نەتەوەیەكگرتووەكان ئەنجامبدەن.
مستەفا عەبدوڵا سەرۆكی فڕاكسیۆنی یەكگرتوو وتیشی”حكومەتی هەرێم فاشیل و خەمساردە بەرامبەر بە داواكاریەكانی خەڵكی كوردستان، لەجیاتی ڕێگری لەخۆپیشاندان و گردبونەوە و تۆمەت دروستكردن بۆ مامۆستا وفەرمانبەران دروست بكات، باشترە گوێیان لێبگرێت و داواكارییەكانیان جێبەجێبكات”.
بڕیاربو ئەمرۆ مامۆستایان لە سلێمانی و چەند ناوچەیەکەوە بەرەو هەولیر بەڕێبکەون و لەبەردەم نووسینگەی نەتەوەیەکگرتووەکان لەهەولێر خۆپیشاندن ئەنجام بدەن، بەڵام کەش و هەوا ڕیگربوو و بەپیی زانیارییەکانیش بڕیارە لە ڕۆژانی ئایندەدا و وەک پاڵپشتییەک لە مانگرتووانی سلێمانی ئەوکارە ئەنجام بدەن.
