بەڕێوەبەرایەتی هاتوچۆی سلێمانی هۆشداری دەداتە هاووڵاتییان و داوایان لێدەکات لە ئێستادا سەردانی ناوچە شاخاوییەکان نەکەن.
بەپێی ئاگادارییەکەی هاتوچۆی سلێمانی، تیایدا هاتووە: “ئاگاداری سەرجەم هاووڵاتییانی ئازیزی شارەکەمان دەکەین کەلە ئێستادا سەردانی ناوچە شاخاوییەکان نەکەن یان ئەو شوێنانەی مەترسی بەستن و شەختەی لێ دەکرێت”.
دەشڵێت: بێگومان ئەمە لەپێناو سەلامەتی خۆتان و دوورکەوتنەوەتان لە گیرخواردن و کارەساتی نەخوازراو”.
لە ئێوارەی ڕۆژی پێنجشەممەوە شەپۆلێکی بەفرو باران ڕووی لە هەرێمی کوردستان کردووە و ئەمڕۆش چەند ناوچەیەکی هەرێم لەناویاندا سەنتەری شاری سلێمانی لە ئێستادا بەفربارین دەستیپێکردووە.
