کەشناسی هەرێم ڕەوشی کەشوهەواو پلەکانی گەرمای بۆ ئەمڕۆ و سبەینێ یەکشەممە بڵاوکردەوە و ڕایگەیاند، لە سلێمانی و گەرمیان و چەند ناوچەیەکی دیکە ئەگەری بارینی بەفر هەیە.
بەپێی ڕاپۆرتی کەشناسی هەرێمم ئەمڕۆ شەممە، ئاسمان هەوری تەواو دەبێت لەگەڵ بارینی نمە باران لە ناوچە جیاجیاكان هەندێك كات بارانی مامناوەند دەبارێت بە تایبەت لە بەشی باشووری هەرێم و ئیدارەی گەرمیان و بەشێك لە پارێزگای سلێمانی.
دەشڵێت: هەروەها لە ناوچە شاخاوییەكان بەفر بارینمان دەبێت و پێشبینی دەكرێت لە پارێزگای سلێمانی و هەندێك لە قەزا و ناحیەكانى ڕۆژهەڵاتی هەرێم بەفر بارین هەبێت.
باسی لەوەشکردووە: پلەکانی گەرما نزم دەبێتەوە (2 -3) پلە لە تۆمارکراوەکانى دوێنێ.
لە بارەی کەشوهەوای سبەینێ یەکشەممە، کەشناسی هەرێم دەڵێت، بە گشتی ئاسمان پەڵە هەور و نیمچە هەور دەبێت. پلەکانی گەرما نزیک دەبێتەوە بەراورد بە تۆمارەکانی ئەمرۆ.
لای خۆیەوە شاڵاو هیدایەت، شارەزا لە بواری کەشناسی بە “تۆڕی میدیایی خەڵک”ی ڕاگەیاند: ئەمرۆ شەممە شەپۆلێکی بەفرو کڕێوە و باران بەشێکی زۆری ناوچە دەگرێتەوە، کە گەرمیان بەپلەی یەکەم و پارێزگای سلێمانی و هەڵەبجە و دەوروبەریان بەپلەی دووەم و دواتر بەکاریگەری کەمتر دەگاتە ئیدارەی ڕاپەرین و کۆیەو بەشێکی سنووری پارێزگای هەولێر و هەندێ شوێنی بادینان.
باسی لەوەشکرد: ئەگەر هەیە بەفر دابەزێتە بەشێکی زۆری گەرمیان و لە هەڵەبجە و سلێمانی بەشێکی زۆری دێهاتوو شاروچکەکانیان ئەگەری بەفر بارین و کڕێوە هەیە، بەشێوەی چاوەڕوانکراو ئەگەر هەیە بەفر لەبەشێکی نزمایەکانی گەرمیان و عێراقیش بارێت.
ئەوەشی وت: کاریگەری ئەم شەپۆلە تا کاتە جیاوازەکانی شەو دەمێنێتەوە، بەڵام ڕەشەبا تا دوای ناوەڕاستی هەفتە و سەرماکەش تاکۆتایی هەفتە بەردەوام دەبێت.
بەرزترین پلەکانی گەرمای پێشبینیکراو بە پلەی سیلیزی :
هەولێر: 11 پلەى سیلیزى
سلێمانی: 7 پلەى سیلیزى
دهۆک: 10 پلەى سیلیزى
کەرکوک: 11 پلەى سیلیزى
زاخۆ: 10 پلەى سیلیزى
هەڵەبجە: 8 پلەى سیلیزى
حاجی ئۆمەران: -1 پلەى سیلیزى
سۆران: 8 پلەى سیلیزى
گەرمیان: 13 پلەى سیلیزى
