دوای ١١ رۆژ لە دیارنەمانی تەرمی پیاوێک لە گوندێکی بناری چیای سەفین دۆزرایەوە.
بەگوێرەی زانیارییەکان، پیاوەکە تەمەنی ٦٠ ساڵ زیاترە، پیشەی شۆفێرە و ١١ رۆژ پێش ئێستا لە ماڵ چووەتە دەرەوە و بڕی ٩٠ ملیۆن دیناری پێبووە ویستویەتی زەوییەک بکڕێت، بەڵام نەگەڕاوەتەوە ماڵەوە و ئەمڕۆش تەرمەکەی لە گوندێکی بناری چیای سەفین دۆزراوەتەوە و بکوژەکانیشی دەستگیر کراون.
هەروەها ئەو هاووڵاتییە خۆی خەڵکی قەزای قەڵادزێیە، بەڵام لە شاری هەولێر نیشتەجێیە و خاوەنی سێ کوڕ و کچێکە.
