ئەمڕۆ هەینی (7ی شوباتی 2025)، دەسەڵاتدارانی ئەمریکا ڕایانگەیاند، لەدوێنێوە پەیوەندییان لەگەڵ ئەو فڕۆکە نەفەر هەڵگرە پچڕاوە کە بە 10 سەرنشینەوە لە ئونالاکلیتەوە بۆ شاری نۆمێ لە ویلایەتی ئەلاسکا لە ئەمریکا بەڕێکەوتبوو.
ئیدارەی سەلامەتی ئەمریکا لە ماڵپەڕەکەی خۆیدا ڕوونیکردەوە، کە فڕۆکەکە ٩ سەرنشین و فڕۆکەوانەکەی هەڵگرتووە، لەدوێنیوە پەیوەندی لەگەڵیدا پچڕاوە و تیمەکانی گەڕان کاردەکەن بۆ دیاریکردنی نوێترین خاڵی نێردراوی چاودێرکراو.
بەپێی داتاکانی ماڵپەڕی بەدواداچوونی گەشتەکان “Flight Radar 24”، کۆمپانیای بێرینگ ئایر کۆمپانیایەکی فڕۆکەوانی ناوخۆییە و بنکەکەی لە ویلایەتی ئەلاسکایە، و نزیکەی 39 فڕۆکە و هێلیکۆپتەر بەڕێوەدەبات.
شەوی پێنجشەممە، 30ـی کانوونی دووەم، لە فڕۆکەخانەی واشنتۆن ڕۆناڵد ڕیگان، فڕۆکەیەکی نەفەرهەڵگری هێڵی ئاسمانی ئەمریکی لە کاتی نزیکبوونەوەی نیشتنەوە لەگەڵ کۆپتەرێکی سەربازیی بلاک هۆک پێکدادا و 67 کەس گیانیان لەدەستدا. ئەم ڕووداوە گەورەترین کارەساتی ئاسمانییە لە ئەمریکا لە ماوەی 15 ساڵدا.
