ڕاوێژکاری ئاسایشی نیشتمانی عێراق مەترسییەکانی کشانەوەی ئەمریکا لە عێراق ئاشکرادەکات و دەڵێت”ڕیککەوتین ئەمریکا لەمانگی ئەیلوولی 2026 لە عێراق بکشێنەوە”.
قاسم ئەعرەجی، راوێژکاری ئاسایشی نەتەوەیی عێراق، لەلێدوانێکیدا بۆ کەناڵی (الحدث) رایگەیاند، کشانەوەی هێزەکانی ئەمریکا لە سووریا مەترسی گەورەی لێدەکەوێتەوە، و لەبارەی کشانەوەی هێزەکانی ئەمریکا لە باکووری ڕۆژهەڵاتی سووریا هیچ ئاگادارکردنەوەیەکمان پی نەگەیشتووە.
ئاماژەی بەوەشداوە، ئێمە وەک عێراق لەگەڵ واشنتۆن ڕێککەوتین کە لە ئەیلوولی 2026 کۆتایی بە ئەرکی هاوپەیمانی لە عێراق بهێنین.
سەبارەت بە پەیوەندییەکانی عێراق و تورکیا، ئەعرەجی ڕایگەیاند، ئێمە دوو وڵاتی دراوسێین و بەرژەوەندی هاوبەشمان هەیە، بوونی هەر لایەن و گروپێک ڕەتدەکەینەوە کە کاریگەری لەسەر پەیوەندییەکانمان لەگەڵ تورکیا هەبێت.
پرسی کشانەوەی هێزەکانی ئەمریکا لە ڕۆژئاوای کوردستان لەدوای دەستبەکاربوونی ترەمپ لە ئیدارەی نوێی سووریا مشتومری زۆری لیکەوتۆتەوە، بەپێی وتەی چاودێران و شرۆڤەکارانی سیاسی، کشانەوەی ئەمریکا لە ڕۆژئاوا دەرفەت بۆ تورکیا و گرووپە چەکدارەکان دەرەخسێنیت هێرش بکەنە سەر هەسەدە و کۆمەڵکوژی ڕووبدات، وەک چۆن لەساڵی 2019 دا بەشێک لەخاکی ڕۆژئاوا لەلایەن تورکیاوە داگیرکرا بەبیانووی دروستکردنی ناوچەی ئارام.
دۆناڵد ترەمپ، بە تویتێک لە 19ی کانوونی یەکەمی 2018 دا بڕیاری کشانەوەی هێزەکانی لە سووریا دا، ئەم بڕیارە لەناکاو و چاوەڕواننەکراوەی ترەمپ، زۆربەی بەرپرسانی ئەمریکا، چاودێرانی سیاسی و دۆست و نەیارەکانی، تووشی جۆرێک لە سەرسوڕمان کرد، بەتایبەتی ئەم گۆڕانە بەپەلەیەی سیاسەتی ئەمریکا، بەپێچەوانەی زۆربەی لێدوان و بۆچوونەکانی بەرپرسانی ئیدارەی ترەمپە کە جەختیان لەسەر ئەوە دەکرد، هێشتا کاتی کشانەوە لە سووریا نەهاتووە.
