دادگای فیدڕاڵی بڕیار لەسەر سزای هاتووچۆی هەرێم دەدات

دادگاى باڵاى فیدراڵیى عێراق لەسەر سکاڵایەکی تایبەت بە سزای هاتووچۆ لە هەرێم کۆدەبێتەوە.

دادگاى باڵاى فیدراڵیى عێراق، بەپێی کارنامەی دانیشتنی دادگاکە، بڕیارە ڕۆژی سێشەممە 11ـی شوباتی 2025، لەبارەی سکاڵایەکی تایبەت بە هەرێم کۆبێتەوە، و سکاڵاکەش تایبەتە بە سزاکانی پێبژاردنی هاتووچۆ و رسوماتى مەرجى تووندوتۆڵى.

سکاڵاکە دژی سەرۆکى حکومەتى هەرێمى کوردستان و وەزیرى ناوخۆ تۆمارکراوە، کە تایبەتە بە پێبژاردنى سەرپێچییەکانى هاتووچۆ و پارەى پشکنینى ئۆتۆمبێل و پێبژاردنى تیژڕۆیی، و داوا کراوە سەرپشککردنى وەزیرى ناوخۆ بە زیادکردن یان کەمکردنەوەى رسومات و پێبژاردنى هاتووچۆ بەگوێرەى فەرمانى ژمارە 86 دەسەڵاتى ئیئتلاف لە 2004 بە نادەستوورى بناسێنێت.

هەروەها سکاڵاکار داواى کردووە ئەو رسوماتە هەڵبوەشێنرێتەوە، کە هاووڵاتیان لە هەرێمى کوردستان دەیدەنە کۆمپانیاکانى مەرجى تووندوتۆڵى، لەگەڵ هەڵوەشاندنەوەى ئەو پێبژاردنانەى تیژڕەوی ئۆتۆمبێل، کە لەسەر رێگەیەکى دیاریکراو و لە یەک رۆژدا دووبارە ببێتەوە.

پەیوەنیدر