بەفر و باران بەردەوام دەبێت

کەشناسی پێشبینی بۆ ئەمرۆ و سبەی بڵاوکردەوە و دەڵێت”ئەگەری نمەباران و بەفر بارین هەیە”.

کەشناسی هەرێم بڵاویکردەوە، ئەمڕۆ هەینی 07-02-2025 ئاسمان لە نێوان نیمچە هەور و هەوری تەواو دەبێت لەگەڵ ئەگەری بارینی نمە بارانی پچر پچر لەناوچە جیاجیاکانی هەرێم ، و لە ناوچە شاخاوییە سنوریەكانی باكوری ڕۆژهەڵات ئەگەری كەمێك بەفر بارین هەیە .

ئاماژەی بەوەشداوە، سبەینی 8ـی شوباتی 2025 ئاسمان هەوری تەواو دەبێت لەگەڵ بارینی نمە باران لە ناوچە جیاجیاكان هەندێك كات بارانی مامناوەند دەبارێت بە تایبەت لە بەشی باشووری هەرێم و ئیدارەی گەرمیان و بەشێك لە پارێزگای سلێمانی .

هەروەها لە ناوچە شاخاویەكان بەفر بارین دەبێت و پێشبینی دەكرێت لە پارێزگای سلێمانی و هەندێك لە قەزا و ناحیەكان ڕۆژهەڵاتی هەرێم بەفر بارین هەبێت .

بەرزترین پلەکانی گەرمای پێشبینیکراو بە پلەی سیلیزی :

هەولێر : 11 پلەى سیلیزى

سلێمانی : 8 پلەى سیلیزى

دهۆک : 12 پلەى سیلیزى

کەرکوک : 12 پلەى سیلیزى

زاخۆ : 13 پلەى سیلیزى

هەڵەبجە : 10 پلەى سیلیزى

حاجی ئۆمەران: 0 پلەى سیلیزى

سۆران: 10 پلەى سیلیزى

گەرمیان : 15 پلەى سیلیزى