وەزارەتی ئەوقاف ڕوونکردنەوە لەسەر بریارێکی خۆی تایبەت بە پێشنوێژی کەسانی بیانی دەدات و دەڵێت” چالاکی ئایینی و پێشنوێژی، یان قورئان خوێنی لەلایەن کەسانی بیانی(بەڕێگە پێدانی) لایەنە پەیوەندارەکانی وەزارەتی ئەوقاف و کاروباری ئایینی کارێکی ئاساییە”.
وەزارەتی ئەوقاف و کاروباری ئایینی هەرێم، ڕوونکردنەوەیەکی بڵاوکردەوە و تێیدا ئاماژە بەوەدەکات، سەبارەت بەدەنگۆی ڕێگریکردن لە چالاکی ئایینی و قورئان خوێندن بۆ (کەسانی بیانی )،بۆ ھەموولایەکی ڕووندەکەینەوە، کە چالاکی ئایینی و پێشنوێژی، یان قورئان خوێنی لەلایەن کەسانی بیانی(بەڕێگە پێدانی) لایەنە پەیوەندارەکانی وەزارەتی ئەوقاف و کاروباری ئایینی کارێکی ئاساییە، لەم ڕووەوە پێشوازی لە ھەر چالاکیەک لەچوارچێوەی ڕێنماییەکان دەکەین.
وەزارەتەکە ڕوونیشیکردۆتەوە، ئەوەی کە ڕێگە پێدراو نییە، مەبەست لێی ئەو بەڕێزانە پێشوەختە پێویستە (مۆڵەت) لە وەزارەت داوا بکەن تاوەکو رەزامەندی وەربگیرێت، هەروەک لە هەموو وڵاتانیش بەم شێوازەیە،ئەمەش پارێزگاریکردنە لە شوێنێکی پیرۆز کە مزگەوتە.
ئەمە لەکاتێکدایە وەزارەتی ئەوقاف و کاروباری ئایینی نووسراوێکی لە 2/2/2025 بڵاوکردەوە و تێیدا ئاماژەی بەوەداوە، وەزیری ئەوقاف سەرجەم بەڕێوەبەرایەتییەکان ئاگاداردەکاتەوە کە پێشنوێژیکردن و بانگبێژیی کەسانی بیانی لە ناو مزگەوتەکاندا قەدەغەیە.
