ئایفۆن یەکێکە لە پێشکەوتووترین مۆبایلە زیرەکەکانی جیهان، کە کارایی بەهێز و دیزاینێکی ڕەسەن و سیستەمی کارپێکردنی داهێنەرانەی iOS هەیە.
بەڵام ڕەنگە زۆرێک لە بەکارهێنەران درک بەوە نەکەن کە هەندێک هەڵە دەکەن کە کاریگەرییان لەسەر ئەزموونی مۆبایلەکە هەیە، جا چ لە ڕووی کارایی و تەمەنی پاترییەوە، یان تەنانەت بواری ئاسایش و نهێنی تایبەتی بێت.
بەکارهێنانی بارگاویکردنەوەی خراپ و کۆپی و هەروەها دروستکردنی ئەکاونتی سادە و ئاسان بۆ تێکشکان ڕەنگە یەکێکبێت لە هۆکارە هەرەباوەکان کەبەکارهێنەرانی ئایفۆن زۆر گوێی پێنادەن و دووچاری گرفتی گەورە ببن.
بەکارهێنانی بارگاویکەرەوەی کۆپی و خراپ، ڕاستەوخۆ کاریگەرییان لەسەر کارایی ئامێرەکە نییە، بەڵکو لەوانەیە لە داهاتوودا زیان بە پێکهاتەکانی ناوەوەی بگەیەنێت و دەبێتە هۆی کەمبوونەوەی بەهای مۆبایلەکە یان ڕەنگە پێویستبکات ماوە ماوە چەند بەشێکی بگۆڕیت.
لەم بابەتەدا پێداچوونەوە بە چەند ڕێگایەکی باو دەکەین کە ڕەنگە ئەزموونی ئایفۆنەکەت تێکبدەن بەبێ ئەوەی هەستت پێکردبێت، هاوکات ڕوونی دەکەینەوە کە چۆن خۆت لەم هەڵانە بەدوور بگرێت بۆ ئەوەی زۆرترین سوود لە مۆبایلەکەت وەربگریت و دڵنیا بیت لەوەی کە بەردەوام دەبێت لە ئاستێکی باشدا.
پشت بەستن بە بەرنامەکانی پێشوەختە
ئەپڵ ئەپەکانی پێشوەختە بۆ ئیمەیڵ و گەڕان و نامە ناردن دادەنێت، بەڵام ئەوان تاکە بژاردە نین زۆر ئەپی بەدیل هەن کە تایبەتمەندی پێشکەوتوو پێشکەش دەکەن و ئەزموونی بەکارهێنەر باشتر دەکەن، بۆ نموونە ئەگەر لە ئەندرۆیدەوە چوویتە ئایفۆن، لەوانەیە ئەپەکانی گووگڵ وەک کرۆم و کیبۆرد و جیمەیڵ بە باشتر بزانیت، بە هەمان شێوە دەتوانیت ئەپی وشەی نهێنی پێشوەختەی ئەپڵ بگۆڕیت بە ئەپێ کە تایبەتمەندی بەهێزتر پێشکەش بکات و بە شێوەیەکی بێ کێشە لە سەرجەم ئامێرەکانتدا کار بکات.
تایبەتمەندی پوختەی ئاگادارکردنەوە پشتگوێ بخە
ئاگادارکردنەوە بەردەوامەکان لە ئەپی جیاوازەوە بێزارکەرن، سەنتەری ئاگادارکردنەوەکانی iOS باشترین نییە بۆ بەڕێوەبردنی ئاگادارکردنەوەکان، بەڵام ئای ئۆ ئێس تایبەتمەندییەکی پوختەی ئاگادارکردنەوە پێشکەش دەکات کە یارمەتیت دەدات ئەو ئاگادارکردنەوانە ڕێکبخەیت، بە چالاککردنی ئەم تایبەتمەندییە، دەتوانیت کاتێکی دیاریکراو دابنێیت بۆ وەرگرتنی ئاگادارکردنەوە ناپەلەییەکان، وەک لە کاتی پشووەکانی نیوەڕۆت یان پێش خەوتن، ئەم تایبەتمەندییە شلەژان لە ناوەندی ئاگادارکردنەوەدا لا دەبات، هەروەها یارمەتیدەرە بۆ ڕێگریکردن لە پچڕانی ئاگادارکردنەوەکان لە کاتی کارکردن یان بەشداریکردن لە ئەرکەکانی تردا.
IPHONE credit
بە شێوەیەکی بنەڕەتی کاتێک شاشەی مۆبایلی ئایفۆن قفڵ دەکەین توانای دەستراگەیشتنت بە کامێرا و فلاش هەیە، سەنتەری کۆنترۆڵ و شاشەی قوفڵ بە خواستی خۆت مەکە، بە شێوەی بەکارهێنانی ئاسایی”دیفۆڵت” دەستگەیشتنێکی خێرا بۆ کامێرا و فلاشەکەت پێدەبەخشێت، سەرەڕای ئەوەش، دەتوانیت دەستکاری ناوەندی کۆنترۆڵ بکەیت بە زیادکردنی ئەو ئامرازانەی کە ئاسانکاری دەکەن بۆ دەستگەیشتن بە بەرنامە گرنگەکان، وەکو تێبینیەکان بۆ نووسینەوەی بیرۆکەکان، Shazam بۆ ناسینەوەی گۆرانیەکان، یان ChatGPT بۆ پرسیارکردن، کە بەرهەمهێنان بەرز دەکاتەوە.
تایبەتمەندی کلیکی پشتەوە پشتگوێ بخە
ئایفۆن تایبەتمەندییەکی شاراوەی هەیە کە بە Back Tap ناسراوە کە ڕێگەت پێدەدات هەندێک کردار ئەنجام بدەیت بە تەنها دوو یان سێ جار لێدانی پشتی مۆبایلەکە.
دەتوانیت بەکاری بهێنیت بۆ گرتنی وێنەی شاشە، بێدەنگکردنی ئامێرەکەت، کردنەوەی کامێرا، چالاککردنی سیری، یان تەنانەت کردنەوەی ئەپی تایبەت بەبێ ئەوەی پێویست بکات دوگمەکان دابگریت یان بەناو مینیوەکاندا بگەڕێیت.
شاشەی سەرەکی پڕە لە ئەپەکان
ئای ئۆ ئێس بە شێوەیەکی ئۆتۆماتیکی ئەپی نوێ زیاد دەکات بۆ شاشەی سەرەکی، ئەمەش دەتوانێت شڵەژان دروست بکات کە دۆزینەوەی ئەپەکانی دڵخوازت قورس دەکات.
بۆ ئەوەی ئەمە ڕوونەدات، دەتوانیت مۆبایلەکەت ڕێکبخەیت بۆ زیادکردنی ئەپی نوێ تەنها بۆ کتێبخانەی ئەپەکان لەبری شاشەی سەرەکی، ئەمەش یارمەتیدەرە بۆ ئەوەی مۆبایلەکەت زیاتر ڕێکبخرێت.
بەکارنەهێنانی ئەپی شۆرتکاتەکان
دەتوانیت هەموو ئەمانە بە ئۆتۆماتیکی بکەیت بە ئەپی Shortcuts ی ئەپڵ کە ڕێگەت پێدەدات فەرمانی ئۆتۆماتیکی دروست بکەیت بە پشتبەستن بە کات، شوێن، یان دۆخی ئامێرەکە، ئەمەش کات و ماندووبوونت بۆ دەگەڕێنێتەوە. هەرچەندە شارەزابوون لە بەکارهێنانی کورتە ڕێگاکان کاتێکی دەوێت، بەڵام شایانی ئەوەن.
شکستهێنان لە باشکردنی شەحنکردنەوەی پاتری و بەکارهێنانی بارگاویکەرەوەی کۆپی
پاتری ئایفۆنەکەت بە شێوەیەکی سروشتی بە تێپەڕبوونی کات تێکدەچێت، بەڵام ئەم تێکچوونە خێراتر دەبێت ئەگەر Optimized Battery Charging بەکارنەهێنیت، کە بەکارهێنانی پاتری کەمدەکاتەوە بە وەستاندنی بارگاویکردنەوە بە ڕێژەی 80% لە ماوەی درێژخایەندا و دواتر دەستپێکردنەوەی بە پشتبەستن بە شێوازی بەکارهێنانی ڕۆژانەت.
ئەم تایبەتمەندییە بە تایبەتی ئەگەر خووی شەحنکردنەوەی ئایفۆنەکەت هەبێت بەسوودە، بەهۆی ئەوەی ئەپڵ چیتر یەکەکانی شەحنکردنەوە لەگەڵ ئایفۆندا نەخستۆتە بازارەوە، لەوانەیە واتلێبکات کە بارگاویکەرەوەی هەرزانتر بەکاربهێنیت، یان ڕەنگە کێبڵێکی کوالیتی نزم بۆ کارپلەی بەکاربهێنیت یان بۆ شەحنکردنەوەی ئامێرەکەت، بەڵام ئەمە دەتوانێت ببێتە هۆی کێشە، وەک خاوبوونەوەی خێرایی شەحنکردنەوە، گەرمبوونی زۆر، یان تەنانەت هەڵەی تەکنیکی چاوەڕواننەکراو، سەرەڕای ئەوەش، بەکارهێنانی کێبڵ یان ئەداپتەری کۆپی لەوانەیە تەندروستی پاتری ئایفۆنەکەت بە تێپەڕبوونی کات تێکبدات.
باش نەکردنی هەڵگرتنی مۆبایل
تەنانەت ئەگەر ئایفۆنێکت هەبێت کە 256 گێگابایت یان زیاتر بێت، ئەوا شوێنەکە دەتوانێت بە خێرایی پڕببێتەوە، بەتایبەتی لەگەڵ کەڵەکەبوونی وێنە و ڤیدیۆ.
لەبری ئەوەی بە دەستی فایلەکان بسڕیتەوە، دەتوانیت تایبەتمەندی Optimize iPhone Storage چالاک بکەیت ئەگەر بەشداری iCloud+ت هەبێت، کە وەشانی وردی بەرزی وێنە و ڤیدیۆکانی سەر ئامێرەکەت بە وەشانی بچووکتر دەگۆڕێت، لە هەمان کاتدا ئەسڵیەکان لە iCloud دەهێڵرێتەوە، بەم شێوەیە، پێویست ناکات خەمی کەمبوونەوەی شوێن لەکاتی وێنەگرتن یان دابەزاندنی ئەپەکاندا هەبێت.
نوێکارییە گرنگەکان دوابخە
پشتگوێخستنی نوێکارییەکانی ئای ئۆ ئێس یەکێکە لە هەڵە گەورەکان کە دەتوانێت زیان بە مۆبایلەکەت بگەیەنێت، بەو پێیەی نوێکارییەکان تایبەتمەندی نوێ لەگەڵ خۆیان دەهێنن، هەروەها بەشی گرنگی ئەمنی و چاککردنی هەڵەکان لەخۆدەگرێت، دواخستنی نوێکردنەوەکان ئامێرەکەت بەرەوڕووی لاوازی ئاسایش دەبێتەوە و لەوانەیە ببێتە هۆی کێشەی کارایی لەگەڵ ئەو ئەپانەی کە پێویستیان بە نوێترین وەشانی سیستەمەکە هەیە بۆ ئەوەی بە باشی کاربکات، لە ئەنجامدا باشتر وایە دڵنیا بیت لەوەی مۆبایلەکەت بە نوێترین شێوە بەردەوام بێت بۆ ئەوەی باشترین ئەزموونی بەکارهێنەر بەدەست بهێنیت.
لە کاتێکدا ڕەنگە هەندێک لەو تایبەتمەندی و ڕێکخستنانەی کە لە سەرەوە باسمان کرد لە سەرەتادا سادە دەرکەون، بەڵام دەتوانن بە خێرایی کۆببنەوە و کاریگەرییان لەسەر کارایی ئایفۆنەکەت و ئەزموونی بەکارهێنەری گشتی هەبێت، بۆیە کاتێک بۆ جێبەجێکردنی ئەم ئامۆژگاریانە تەرخان بکە بۆ ئەوەی زۆرترین سوود لە ئایفۆنەکەت وەربگریت.
