لەلایەن بەشی پۆلیسی نەهێشتنی تاوانەوە تۆمەتبارێک دەستگیرکرا بەتۆمەتی دزینی چەند پارچەیەک لەیەدەکی ئۆتۆمبێل.
بەڕێوەبەرایەتی پۆلیسی هەڵەبجە بڵاویكردەوە، دوای ئەوەی لەلایەن هاووڵاتیەکەوە سکاڵا تۆمارکرا لەبەشی پۆلیسی نەهێشتنی تاوان سەبارەت بەوەی چەند پارچەیەک لە یەدەکی ئۆتۆمبێلی لێ دزراوە لەدوکانەکەیدا دەست بەجێ لەلایەن بەشی پۆلیسی نەهێشتنی تاوانەوە دەست کرا بەلێکۆڵینەوە و بەدواداچوون و هەڵگرتنەوەی کامێرای چاودێری توانرا شوێنی تۆمەتبار ئاشکرابکرێت.
ڕاشیگەیاندووە، دانیشتوی قەزای چەمچەماڵە و پاش وەرگرتنی بڕیاری دادوەری لێکۆڵینەوە لەلایەن نووسینگەی نەهێشتنی تاوانی چەمچەماڵەوە تۆمەتبار دەستگیرکرا و ڕادەستی بەشی پۆلیسی نەهێشتنی تاوانکرا.
ئاشكراشی كرد، تۆمەتبار (ا. ه. ع) تەمەنی ۳٥ ساڵە و لەبەردەم دادوەری لێکۆڵینەوەدا دانی بەتاوانەکەیدا ناوە و لەئێستادا بەپێی مادەی٤٤٦ ی. س ڕاگیراوە و لێکۆڵینەوەکان بەردەوامن.
