ڕاوچییەك لەتۆڕی کۆمەڵایەتی فەیسبووک وێنەی ڕاوکردنی بڵاوکردەوە و لەلایەن بنکەی پۆلیسی دارستان و ژینگەی عەربەت دەستگیرکرا.
بەڕێوەبەرایەتی پۆلیسی دارستان و ژینگەی سلێمانی بڵاویكردەوە، هاووڵاتیەک وێنەی خۆی لەتۆڕە کۆمەڵایەتیەکان بڵاوکردبووەوە لەگەڵ ئاژەڵێکی کێوی لەجۆری (سوچەڕ).
ڕاشیگەیاندووە، دوای بەدواداچوون و ئاگادارکردنەوەی دادوەری لێکۆڵینەوەی شارەزوور بڕیاری دا بەکردنەوەی پەڕاوی لێکۆڵینەوە و دەستگیرکردنی هاوڵاتی ناوبراو.
ئاشكراشی كردووە، سەرەنجام لەبنکەی پۆلیسی دارستان و ژینگەی عەربەت دەستگیرکرا و کارڕایی یاسایی لەدژی ئەنجامدرا و پەڕاوەکە لەژێر لێکۆڵینەوەدایە .
