حەماس سێ بارمتەکراوی ئیسرائیلی ئازاد کرد و بڕیارە لە بەرامبەردا 183 زیندانیکراوی فەڵەستینی ئازاد دەکرێن.
ئەمڕۆ شەممە، لە چوارچێوەی ڕێککەوتنی نێوان ئیسرائیل و حەماس، چوارەمین گرووپی بارمتەکراوە ئیسرائیلییەکان لە کەرتی غەززە لە نماییشێکی چەکداریدا ڕادەستی خاچی سووری نێودەوڵەتی کران.
هەر یەکە لە عوفەر كالديرۆن و یاردین بیباس لە شارۆچکەی خان یونس ڕادەستی خاچی سووری نێودەوڵەتی کران.
بارمتەکراوەکەی سێیەمیش، هاووڵاتی ئەمریکی-ئیسرائیلی ویکس سیگالە و بڕیارە ئیسرائیل لە بەرامبەردا 183 زیندانییکراوی فەڵەستینی کە 111یان خەڵکی غەززەن، ئازاد بکات.
ڕۆژی پێنجشەممەی ڕابردووش حەماس سێ ئیسرائیلی و پێنج تایلەندیی لە بەرامبەر 110 زیندانییدا ئازاد کرد.
تا ئێستاش لە کۆی 33 بارمتەکرای ئیسرائیلی، 15یان ئازاد کراون و ئیسرائیلیش 400 زایندانیی ئازادکردووە.
