ئێوارەی ئەمرۆ درۆنێکی بۆمبڕێژکراو ئاڕاستەی کەمپی ئاوارەکانی ڕۆژهەڵات کرا و ئامانجەکەی نەپێکا.
دژەتیرۆری کوردستان بلاویکردەوە، ئێوارەی ئەمڕۆ پێنجشەممە 30ی کانوونی دووەمی 2025، کاتژمێر 17:40، درۆنێکی بۆمبڕێژکراو ئاراستەی کەمپی ئاوارەکانی ڕۆژهەڵاتی کوردستان لە بناری چیای کۆڕەک لە سنووری پارێزگای هەولێر کرا.
بەپێی بڵاوکراوەکەی دژەتیرۆری کوردستان، درۆنەکە ئامانجی خۆی نەپێکا و تێکشکا و کەوتە خوارەوە، هیچ زیانێکی گیانی و ماددیی لێ نەکەوتەوە.
