وادەی بارینی باران ئاشکرا کرا

کەشناسی هەرێم پێشبینی کەش و هەوای بۆ سبەینێ بڵاوکردەوە و دەڵێت”لە پارێزگای دهۆک و سلێمانی باران دەبارێت”

ئەمڕۆ هەینی،10ـی کانوونی دووەم، کەشناسی هەرێم بڵاویکردەوە، سبەینێ ئاسمان لە نێوان نیمچە هەور و هەوری تەواو دەبێت، و لە كاتەكانی دوای نیوەڕۆ نمە باران لە هەندێك ناوچە دەبارێت پاشان لە شەودا كاریگەری دابارین زیاد دەكات و نمە باران و بارانی مامناوەند لە زۆربەی ناوچەكان دەبارێت.

ئاماژەی بەوەشداوە، لە سنووری پارێزگای دهۆك و سلێمانی و ئیدارە سەربەخۆكانی سۆران و ڕاپەڕین، باران دەبارێت هەروەها پێشبینی بارینی بەفرێكی كەم دەكرێت لە ناوچە شاخاوییە سنوریەكان .

پلەکانی گەرما / بە نزیكی 2 تـــــا 4 پلە نزمتر دەبێت بەراوورد بە تۆمارکراوەکانى ئەمڕۆ.

خێراى با / لەسەرخۆ بۆ مامناوەند دەبیت ( 10-20 ) کم/ک

مەوداى بینین / لەنێوان ( 8 – 10 ) کم دەبێت .

بەرزترین پلەکانی گەرمای پێشبینیکراو بە پلەی سیلیزی :

هەولێر : 14 پلەى سیلیزى

سلێمانی : 12 پلەى سیلیزى

دهۆک : 15 پلەى سیلیزى

کەرکوک : 17 پلەى سیلیزى

هەڵەبجە : 12 پلەى سیلیزى

زاخۆ : 15 پلەى سیلیزى

گەرمیان : 17 پلەى سیلیزى