کەشناسی هەرێم: بارانبارینی بەلێزمە دەستپێدەکات و هەورە بروسکەی لەگەڵ دەبێت

کەشناسی هەرێم ئاشکرای کرد، ئەمڕۆ ئاسمان هەوری تەواو دەبێت و لە دوای نیوەڕۆوە بارانبارین دەستپێدەکات و هەورە بروسکەی لەگەڵ دەبێت.

بەپێی ڕاپۆرتی کەشناسی هەرێم، ئەمڕۆ هەینی ئاسمان هەورى تەواو دەبێت، سەرەتا نمە باران و بارانى مامناوەند لە سنوورى پاریزگاى دهۆک و ئیدارەى سەربەخۆى سۆران دەبارێت، پاشان بۆ کاتەکانى نیوەرۆ بەدواوە کاریگەریەکەی درێژ دەبێتەوە بۆ تەواوی ناوچەکانی هەرێمی کوردستان، هەروەها هەورە تریشقەشی لەگەڵ دەبێت.

دەشڵێت: “لە ناوچە شاخاوییە بەرزەکان و ناوچە سنووریەکان بەفر بارین دەبێت، پێشبینی دەکرێت بۆ کاتەکانی شەو ڕێژەی دابارین زیاد بکات و هەندێک جار دەگۆڕێت بۆ لێزمە باران”.

باسی لەوەشکردووە: پلەکانی گەرما بە نزیکەی یەک تـــــا سێ پلە نزمتر دەبێت بەراورد بە تۆمارکراوەکانى دوێنێ.

لە بارەی کەشوهەوای سبەینێ شەممە کەشناسی هەرێم دەڵێت: ئاسمان هەوری تەواو دەبێت دەگۆڕێت بۆ نیمچە هەور لە کاتەکانی بەیانیدا نمە باران لە هەندێک ناوچە دەبارێت هەندێک کات لە ناوچە شاخاوییەکان بارانی مامناوەند دەبارێت لە کاتەکانی دوای نیوەڕۆ کۆتایی بەم شەپۆلە بارانبارینە دێت.

دەشڵێت: پلەکانی گەرما نزم دەبیتەوە بە یەک بۆ سێ پلە بەراورد بە تۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 13 پلەى سیلیزى

سلێمانی: 12 پلەى سیلیزى

دهۆک: 13 پلەى سیلیزى

کەرکوک: 16 پلەى سیلیزى

هەڵەبجە: 11 پلەى سیلیزى

زاخۆ: 13 پلەى سیلیزى

حاجی ئۆمەران: 3 پلەى سیلیزى

سۆران: 9 پلەى سیلیزى

گەرمیان: 16 پلەى سیلیزى