سەرۆکی ئەمریکا لێبوردنی تایبەتی بۆ کوڕەکەی دەرکرد کە بە تۆمەتی چەکهەڵگرتن و خۆدزینەوە لە باج، تاوانبارکراوە.
جۆ بایدن، سەرۆکی ئەمریکا بڕیاری لێبوردنی بۆ هانتەری کوڕی دەرکرد کە لە هەردوو ویلایەتی دێلاوێر و کالیفۆرنیا لە دوو دۆسیەی تایبەت بە چەک و خۆدزینەوە لە باج تاوانبار کرابوو.
بایدن ڕایگەیاند، ئەمڕۆ بڕیاری لێبوردنم لە هانتەری کوڕم واژۆ کرد، لە یەکەم ڕۆژی دەستبەکاربوونم وتم دەست لە بڕیارەکانی وەزارەتی داد وەرنادەم، پابەندی بەڵێنەکەم بووم تا ئەو کاتەی بینیم کوڕەکەم ڕووبەڕووی دادگاییکردندێکی نادادگەر دەبێتەوە”.
بایدن وتیشی: “هیوادارم ئەمریکییەکان تێگەیشتینیان هەبێت کە بۆچی وەک باوک و سەرۆکێک ئەم بڕیارەم دا”.
لای خۆشیەوە دۆناڵد ترەمپ، سەرۆکی هەڵبژێردراوی ئەمریکا ڕەخنەی لە بڕیارەکەی جۆ بایدن گرت و بە بێڕێزیکردن و لەباربردنی دادگەریی وەسفیکرد.
