هێزە چەکدارەکانی عێراق لە سنووری سووریا بەردەوامن لە بەهێزکردنی هێزەکانیان، بۆ یەکەمجار لیوای 101یان لەناو فیرقەی زرێپۆشی 25 جێگیرکرد، جگە لە لیوایەک لە پۆلیسی فیدراڵی.
ئەم بەهێزکردنانە هاوکاتە لەگەڵ پێشڕەویکردنی گرووپە چەکدارەکانی سەربە تورکیا لە سووریا لە شارەکانی حەلەب و ئیدلب، لە کاتێکدا ترسەکان لە هاتنی چەکدارەکان بەرەو دێرەزۆر و سنووری سووریا و عێراق زیاد دەکات.
سەرچاوەیەکی باڵای ئەمنی لە فەرماندەیی
عێراق ئامادەیی خۆی بۆ ڕووبەڕووبوونەوەی ئەو گروپە چەکدارانە دەربڕیوە، هاوکات بڕیاریدا لە سنووری سووریا و هێزەکان قایمتربکەن، ئەمەش ترسی دووبارەبوونەوەی ڕووداوەکانی ساڵی 2014 موسڵ دەهێنێتەوە ئارا.
ماوەی 3 ڕۆژە هێزە عێراقییەکان بەردەوامن لە بەهێزکردنی هێزەکانیان لەسەر سنووری عێراق و سووریا، هاوکات هەوڵە هەواڵگرییەکانیان چڕکردووەتەوە لە پێشبینی هەر ڕووداوێکی نائاساییدا، سەرکردە ئەمنییەکانیش ئامادەیی وڵاتەکەیان بۆ ڕووبەڕووبوونەوەی هەر هێرشێک بۆ سەر عێراق ڕاگەیاند.
