سەرۆکی حکومەتی هەرێم لەسەر پرسی مووچە پەیامێکی بە باڵیۆزی ئەمریکا لە عێڕاق داو دەڵێت” دەبێت دارایی عێڕاق بێ لێبڕین مووچەی هەرێم بنێرێت”.
ئەمڕۆ 1ـی کانوونی یەکەم، مەسرور بارزانی سەرۆکی حکومەتی هەرێم لەگەڵ ئەلینا ڕۆمانۆوسکی باڵیۆزی ئەمریکا لە عێراق کۆبۆوە پرسی مووچە اببەتی سەرەکی کۆبوونەوەکە بوو.
مەسرور بارزانی ڕایگەیاند، هەرێمی کوردستان هەموو پابەندییە دەستوورییەکانی خۆی جێبەجێ کردووە، بۆیە پێویستە حکومەتی فیدراڵ، مووچە و شایستە داراییەکانی خەڵکی کوردستان بێ دواخستن و لێبڕین بنێرێت.
ئاماژەی بەوەشدا، لە دوای یەکەم دانیشتنی خولی شەشەمی پەرلەمانی کوردستان، پێویستە لە زووترین کاتدا،حکومەتێکی نوێی یەکگرتوو و بەهێز پێکبهێنرێت.
هەروەها مەسرور بارزانی جەختی لە دەستپێکردنەوەی هەناردەکردنی نەوتی هەرێمی کوردستان لە ماوەیەکی نزیکدا کردەوە .
باڵیۆزی ئەمەریکا سوپاس و پێزانینی خۆی بۆ حکومەتی هەرێمی کوردستان دەربڕی و خواستی وڵاتەکەی ، بۆ بەهێزترکرنی پەیوەندییەکان لەگەڵ هەرێمی کوردستان دووپات کردەوە.
