کەشوهەوا گۆڕانکاری بەسەردا هات و پلەکانی گەرما نزم بوونەوە

لەمڕۆوە پلەکانی گەرما روو لە نزمبوونەوە دەکەن، بە وتەی کەشناسێکی کوردیش شەوان سارد دەبێت و بە رۆژدا فێنک دەبێت.

ئاراس جەبار، شارەزای بواری كەشناسی بڵاویكردەوە: لە ئەمڕۆ شەممەوە كاریگەری بارستە ھەوایەكی سارد بەتەواوی دەگاتە ناوچەكانمان و بەراورد بە دوێنێ پلەی گەرمی چوار تا پێنج پلەی دیكە نزم دەبێتەوە و لەتەواوی ناوچەكان ھەست بەگۆرانكاری و فێنكبوونی كەش لەرۆژدا ئەكرێت و لەشەواندا كەش سارد دەبێت.

باسی لەوەشکردووە: لەگەڵ كاریگەری ئەو بارستە ھەوایەدا پێشبینی بارانبارین ناكرێت و تا كۆتایی مانگیش كاریگەرییەكانی بەردەوامی دەبێت .

ئەوەشی وتووە: ھەرچەندە جێگیر نیە و بەدەر نابێت لەگۆرانكاری بەگوێرەی دواین گۆڕانكاری مۆدێلەكانی كەشوھەوا ئەگەرێك ھەیە لەنێوان كۆتایی ئەم مانگە بۆ سەرەتای مانگی داھاتوو شەپۆلێكی مامناوەندی بارانبارین و ھەورە بروسكە بە رێژەی جیاواز و بەكاریگەری نزمەپۆشەكانی دەریای ناوەراست و سوور رووبكاتە سەرجەم ناوچەكانی ھەرێمی كوردستان و عێراق.

پەیوەنیدر